[ابوعبيد]

هذه مجاراه حدثت بيني وبين احد الاخوان
كتب ست ابيات وطلب مني ان اجاريه فيها

اتمنى ان تنال رضاكم


[poem=font="Simplified Arabic,5,#633E07,normal,normal" bkcolor="" bkimage="images/toolbox/backgrounds/46.gif" border="double,4,#400000" type=2 line=0 align=center use=ex num="0,#400000"]
المسألة ماهي بصف الحرف من بعده حروف=المسألة دفق الشعور بشط بحر صافيه
أجمل قصيد الشعر من يوقف علشانه ألوف=وأردى الشعر أردى الشعر لاصار وزن وقافيه
والبارحة آنا ونفسي بين أمن وبين خوف=أتقول يكفي بس كذا وآقول ماهي كافيه
وقفت مع نفسي أحاسبها وممنوع الوقوف=الوقت يمضي مايوقف والمنايا وافيه
أقول يانفسي ترى دنياك آخرها الحتوف=واللي ملكها كلها أقفى ورجله حافيه
والعمر يثمر بالرجاء والخوف مايثمر بسوف=والعاقل اللي يطلب الله الستر والعافيه

*=

رد: ابو عبيد=

*=
اقول يامن زار بستان الشجر يقطف قطوف=دور على زين الثمر واختار نبته وافيه
واختار من بين الثمر وحده تذوقها وشوف=من طعمها تعرف وتعطيها الثمن بانصافيه
وارسم لنفسك درب وامشي لا تحوف ولا تصوف=واحذر تجي من درب محكوماً بحكم المافيه
ارضي ظميرك قبل ما ترضي البشر واهل الشفوف=وراقب اللي يرقبك وخل عيناً شافيه
العمر يمضي والحموله جايره فوق الكتوف=والنفس داخلها حروباً والقوى متنافيه
نعيش مابين الرجى والياس والدنيا صروف=يوماً تبين ما خفى وتجيك يوماً خافيه
يابخت من ذا عاش في دنياه والعيشة كفوف=يرتاح في دنياه لان اطرافها متكافيه[/poem]