المشاركة الأصلية كتبت بواسطة الراس الصغير
اول شي تشتري الخروف ب 1200 ريال رخيص طبعا طيب يالغالي إذا كان الخروف ب 1400 اتركه واغدي اسوي إعلان واكتب فيه اللي عنده خروف ب1200 يعطيني خبر...ياأخي قوول خروف بأي سعر والسلام.. ثانيا تحمله في الونيت واللي ماعنده ونيت وش يسوي؟ ثالثا تسحبه بكل لطف وتقول له حياك في الحوش عيـب..!! كيف أسحبه بلطف وأقول له حياك وأدخله الحوش .لالالا هذا ضيف ولازم نكرمه رابعا تتفرجون في الخروف لمدة ساعة وبعدها تقول للخروف هل انت مستعد طيب إذا كان الخروف من النوع اللي يستحي لما نطالع فيه وش نسوي في هذه الحاله؟ رابعا اذا ما جاوب الخروف او ما رد عليكم لا تكثرون الكلام معه لانه مستغرب من جمعتكم ولا يدري ماذا تفعلون ففرصتكم انقضوا عليه وكتفوه المسكين اذا شافهم بيكتفونه بتركبه جنيته ويمسك الجبال خامسا اذا كتفتم الخروف لا توثقونه بقوة لانه طيب وحبوب مايستاهل انكم تحرجونه قلت لك بيركب الجبال وباقي توصي عليه سادسا عندما تقعرون الخروف لا تقعرونه بقوة بل بهدؤ ارجوكم عشان لا يقول وش فيهم ذول والا يقول ماصارت هذي إذا السالفه فيها سدح وقعر الخروف معينه يغدي البيت ولا بيوافق يركب الونيت سابعا عندما توجهونه على القبله خلوا راسه جهت اليسار لا تغلطون وتخبون راسه جهت اليمين بعدين تتعبون من الذبح لانه اذا صار راسه جهت اليمين يبغالكم واحد يذبح باليسار وانت احرار وقبل الذبح طبعا حدوا الشفره ولا تحدونها امام الخروف البرئ المسكين الصابر الودود الراعي ثامنا اللي يذبح لازم يكون شهم وقد ذبح دجاج قبل كذا والطريقة الان كيف تذبح تابع معي الشرح الله يخليك تاسعا قبل الذبح قطب براس الخروف بيدك اليسار واذبح من حلق الخروف ولا تتاخر بسرع يا خي وش فيك انت بسرعه اذبح ولا تجلس تسولف مع اللي عندك بعدما يطلع الدم لا تخاف حبيبي شي عادي هذي الحياة كذا لا تقلقل على الخروف لانه خروف لا يملك شيا عاشرا بعد اذبح اترك الخروف وقل ميد اللي يمسكون الخروف فكوه فكوه خلاص خلوه يترنح 11 - بعد نصف ساعه علق الخروف بارجوله ولا تغلط تعلقه بيده لان الخروف قد مات 12- بعدما تعلقه برجوله ابدا بصلخ الجلد كيف تصلخ الجلد مايبغالها فلفسه حد السكين وابدا من السبله 13- بعد ما تصلخ الجلد لا ترميه احتفظ بالجلد وخليه عنده انا باجي اخذه منك لاني اجمع جلود بقر وغنم لا تصدق ارم الجلد بعيدا عن البيت 14 - قطع اللحم الى قطع متساويه وانت بكيفك تبغى حنيذ والا مفطح 15 - بعد ما تخرج الكرشه لا ترمي الفحذه لانها احسن من الذبيحه والفحذه موجوده مع الكرشه بجانب الطحال لاتقول ماتعرف الفحذه 16 - بعد ماتنتهي من الجريمه حاول تدفن الدم وتخفي جريمتك لان الذبان ابتزعجك فلا تدع الازعاج يقلقلك من سبب الذبان 17 - لا تنسى تسوي هاوس كيبنق اي عمل نضافه حول الجريمه اللي سويتها عشان يكون المكان يلمع وبس كيف الطريقه سهله والا اشرح مره ثانيه فهمت عليك ولايحتاج تشرح مره ثانيه...يعني اليووم الصبحيه أغدي انحر الخرووف ياسلام اول مره انحر لي خروف والله لألعب فيه زي مانطحني