ليت الحنان اللي فقدته يجي جاي = ويرجع اللي فاقده من سنيني
اللي سكن طول العمر داخل عضاي = وعليه قلبي محترق من حنيني
اللي فراقه كان غصبا عن رضاي = لاعاد اجي يمه ولاهو يجيني
ازهم عليه اليوم ما يسمع نداي = ولا يحس في وجدي عليه وانيني
كم اتمنا مير ما ينفع مناي = وان كان طيفه بالغلا يحتويني
ويغيب عن عيني ويحرقني بكاي = وتفرح عيوني في مشاهد ضنيني
واترجم احساسي بحرفي ومعناي = واضحك مع العالم لو اني حزيني
راشد الجمعان ( المحيط )