واعيني
واعيني اللي طافها منك طايف
يمر طيفك قدم عيني وانا اشوف
وافز لك كني من الشوق خايف
خوف السجين اللي في الحبس موقوف
ويرتد شوفي بعد ماكنت شايف
اني اشوفك يابعد كل موصوف
من زود حبك في عيوني خلايف
ومن كثر شوقي لك غدا القلب ملهوف
ارفق عليه ياجميل الوصايف
ودي اشوفك قبل مايحرم الشوف
حبك رسى مثل الجبال النوايف
الشاهفات اللي تروع من الخوف
يذوب قلبي لا احتركن الشفايف
تنطق حروف اسمي على خمسة حروف
الميم مثل النسمه اللي خفايف
والسين سلة سيف في داخل الجوف
وكن الالف في حضرتك منك خايف
لان الحروف تموت في شفتك خوف
والعين خلا مبسمك فيه هايف
والدال دل القلب والقلب ملهوف
غدت حروف اسمي من اثمك سلايف
تنسل من فمك كما رمية اسيوف
ـــــــــــــــــــــــــــــــــــــ
|