رد: عالـــمي الخاص .. عبدالله الحديبي
قم يا عطية هات لحن المواويل
حرفك يكفي عن كثيره .. دقاقه
التجــــربة دلّتــك / والمعرفة هيل
والوقـت شفتك منهمك في سباقه
في خاطري كلمة وهي مبطي تْخيل
لا ما تبي غيـــرك _ وتمطر رواقه
عن صاحبٍ قدّرت له منزل سْهيل
وزرعت له في صدري ألفين باقه
ولامن رخى عزمه لقاني له اشيل
فزعه ونخــــوة لين مَ اشتـد ساقه
من دون ما يرسل عليّ المراسيل
اركيت متنــي للحمــل ليـــن طاقه
ومجــار / ما سمّعتــه الا تراتيل
وعلومٍ تْنـــومس ما بين الرفاقه
ويوم اغتنى واثمر بماله محاصيل
ومن نعمتــه ما عاد يشحن بطاقه
اصبح يوردني على جرة السيل !!
وسلام كفـه صار يبدي ( طراقه ) !!
ذاك الغــــلا ما بيننـــا جاه تبــــديل
ويســــارق البسمـــه معـــايه سراقه
كنّه من التبســه / وكنـي من النيـــل
وسّم على صدري بـ "موس الحلاقة "
لكن يَ ابو مشعل .. على صهوة الخيل
لاهنـت / وصل له سلامي فـ باقه
وقلّــه : تــرى مالـي على صدّته حيل
وقلــّه : تــرى كثر الترجي # حماقه
امـــا يجينــي فــي سلـــوم الـــرجاجيـل
والا قطعت جْذور غصــن الصــداقه
يبشر بـ من هو لـ ابتعد { خطوته ميل }
ومـا بـه علــى طــرد المقفـــي .. لياقه
وسلامتكم ..!!
ـــــــــــــــــــــــــــــــــــــ
|