نظرت في بحر العيون الوسيعه = وقلت ياعذب التواصيف محلاك
اشوف في عينك جمال الطبيعه = محلا هدب عينك وبسمة محياك
قلبي تركته في يدينك وديعه = احرص عليه الله يصونك ويحماك
عساه يلقى في حنانك ربيعه = ترويه من فيض الوفا في حناياك
لا تذوقه نار الجفا والقطيعه = وانت المكلف فيه لا ذا ولا ذاك
وانتا مكانك بالحصون المنيعه = مافيه احد قبلك نزل به وساواك
لو يجتمع زين الخلايق جميعه = ماشوفهم نقطة بحر في مزاياك
راشد الجمعان ( المحيط )