[خالد القرشي]

بسم الله الرحمن الرحيم
هو الفارس شالح بن حطاب بن هدلان نشأ بين أفراد قبيلة الخنافرة والتي هي فخذ من قبيلة آل محمد القحطانية

عاش إلى سنة 1340هـ وكان مثالاً بشجاعته وامانته وصدقه وحسن خلقه وكرمه ووفائه ’ وكان يحكم لحل المشاكل وكان محبوباً عند قبائل قحطان والقبائل الأخرى المجاورة .

كان للشيخ شالح ولد اسمه ذيب وكان شديد البر بوالده وقد كان من بره بوالده انه لا يطعمه الا اللحم الطازج من الصيد والباقي من اللحم يطعمه للذيابة وفي مرة من المرات لم يجد صيدا ليطعمه لوالده فقام وذبح فرسه وتنقى من خيار لحمها ليقدمه لوالده فلما شم والده رائحة اللحم فعرف انه ليس بلحم صيد فقال له : وش هذي لحمة ياذيب؟
فقال ذيب: هذا ( شبب يايبه) اي ( رزق من الله )وهذه من لهجة قبيلة قحطان ثم عرف والده انه قام بنحر ذلوله وقال له: ذبحتها ياذيب ؟! فقال ذيب هي فداك يايبه وعوضا من حلال القوم اجيبه لك ...فتأوه والده ثلاث مرات وقال((يالهفي بعد فراقك ياذيب))). .
وفي غزوة من الغزوات قتل ذيب على يد بعض أفراد المقطة من عتيبة فلما علم الشيخ شالح بالخبر أنشد قائلا :
يا ربعنا ياللي على الفطر الشيب @ عز الله انه ضاع منكـــــم وداعـــه

رحتو على الطولات مثل العياسيب@ وجيتو وخليتو لقلبــــــي بضاعـــه

خليتو النادر بدار الاجـــــــانيـــب@ وضاقت بي الافاق عقب اتساعـــه

تكدرن لي صافيـات المشاريــــب @وبلعون شفت الذل عقب الشجاعــه


ياذيب انا بوصيك لا تاكل الذيـــب @كم ليلة عشاك عقـــــــب المــجاعه

كم ليلة عشاك حرش العراقيـــب@ وكم شيخ قوم كزته لك اذراعـــــــه

كفه بعدوانه شنيع المضاريـــب @ويسقي عدوه بالوغى سم ساعـــه

ويضحك لياصكت عليه المغاليب @ويلكد على جمع العدو بندفــــاعــــه

وبيته لجيرانه يشيد على الطيــب @وللضيف يبني في طويل الرفـــاعــه

جرحي عطيب ولا بقى لي مقاضيب @وافخــــت حبل الوصل عقب انقطاعــه

كني بعد فقده بحامي اللواهـــيب@ وكني غريب الدار مــــالي جمــــاعــــه

من عقب ذيب الخيل عرج مهاليــــب @ياهل الرمك ماعاد فيهن طماعـــــــــــه

قالو تطيب وقلت وشلون ابا طيب @وطلبت من عند الكريم الشفاعـــــــــــــه

وسلااااااااامتكم