[درع الغربيه]

أرحبوا ،،، الله يحييكم ،، يامرحباً هيل عد السيـــــــــــــــــل ،،

حياكم الله

وش عذركم عاد هذا بيت الشعر ونصبناه

ماينقصنا غير عودتكم

وتشريفكم للمجلس من جديد وتقهوون معنا فنجان قهوة

ونسمع منكم سالفة نوسع بها صدورنا واقتراح

يصب لصالح المجلس والديره والقبيله

ياجماعة الخير الشغل ماينتهي

والى متى ونحن نطرد ورى الدنيا ؟؟

والله ان تنتهي اعمارنا وهي ما تنتهي ،

اقول هونوا على اعماركم من الجري وراء جمع الدنياء

كل واحد يبغى يبلع الدنيا ،

وفي الاخير تجي هي تبلعه ،

المهم تروكم مقروعين ما تطلعون من هذا المجلس الين

كل واحد يقول كل مافي قلبه بهذا المجلس الموقر

الى له شرهه ولا كره يبشر بالحق ويبشر بالى يرضيه

وبما ان الدلة المهيلة وصلت




ودرجت فناجين القهوة

اسمعوا مني ذا السالفة انا فدى ذا الوجيه ،،
ياجماعت الخير وياوجوه الخير
عندي سالفه والله انها
تحز بالنفس ولا يسع لها المجال تطرح بالمجلس
لان هذه الظاهره لاتخص مجلس الشغبان انما اعتقد تعم كل القبايل
ويفضل طرحها في العام او النقاش الهادف والى فيه خير الله ييسره لنا ولكم وللمسلمين
وقررت انزل موضوع خاص
عن مايحدث عندما يموت رجل او امراءه
وش يصاحب العزاء
؟؟؟