[الشغموم]

[SIZE="5"

]السلام عليكم هذي قصيدة كتبتها من فترة واتمنى ان تحوز على رضاكم


بت ارقب نجوم السما تالي الليل
لين الصبح لي بان عقب الدياجي
لا تشتكي يا قلب وتقول يا ويل
استر هوى خرس العيون الدعاجي
اصبر على فرقا الوساع المظاليل
اصبر عسى تقدر تحوز احتياجي
ريم الفلا لي كلمة(ن) دون تمثيل
صرت اتغلا ضاع معك اندماجي
مدري صغيت لهرجة القال والقيل
يوم(ن) كذا عفت اللقا والتناجي
دونك على درب الشقا والبهاذيل
وافناظري ضاقت وساع الفجاجي
يا قلب لا تجمح كما جامح الخيل
خلك على ما قيل رايق مزاجي
مقدر ظروفك وانا باخصك حيل
بس القدر لا هاج يا قلب هاجي
لا تتبع اللي صار شحاح وابخيل
لو صار صاف الما شراب(ن) هماجي
ماني امتحسر والزمن فيه تبديل
يالله عسى المزون عقب العجاجي
صبيت حزن(ن) يشبه لذارف السيل
والوقت ينسيني كثير انزعاجي
واللي سرى درب الهوى تالي الليل
لا يحسب انه من شقا الليل ناجي،،،

اخوكم محمد المعني

[/SIZE]