محلاك يالوزا بدار المصاقير = اخذت حلوات التواصيف منها
طعم وجمال وحلو منظر وتصوير = برياضها اللي جبالها تحتضنها
وفيها منازل للرجال الغنادير= وفيها محبة كل حى سكنها
تاريخهم مثل النجوم المشاهير = وكلن كتب في صفحة المجد عنها
يادار لوعنك ابعدتنا المقادير = محبتك في القلب غالي ثمنها
مهما حصل فظروف الأيام تغيير = الله من صروف الليالي ضمنها
يادارنا لجلك تصف الطوابير = دونك صقور الجو تحمي وطنها
يالله يامن في يديك التدابير = تحفظ ديار الخير وتديم امنها
انكان قصرنا فبعض التعابير = وصف الجمال يطول مافيه منها
=
يوم شفت الدار في خير ونعيم = انشرح صدري وعانقت السحاب
دار جود وكل من فيها كريم = النفوس طياب والخطر طياب
واتذكر ذالك العهد القديم = يوم عشنا فيه ريعان الشباب
يوم كان القلب من همه سليم = ماتلوع من اسى الدنيا وذاب
والكبير بكل من حوله رحيم = كل واحد يحسب لقدره حساب
الموده صرحها شامخ مقيم = ما تلاشا الود من داري وغاب
اسألك ياخالق الكون العظيم = زيدنا عز ومحبه واقتراب
=
سلام يادار لها القلب يشتاق = دار الكرم والمرجله والشجاعه
اللي بها ربعي حسينين الأخلاق= اللي بهم ضد المصاعب مناعه
اللي لهم في صفحة المجد ميثاق = ويذكرهم التاريخ في كل ساعه
وعندي مودتهم تربت بالأعماق = مكانهم مثل النجم بارتفاعه
الكل منهم للمواجيب سباق = وقت اللزم يوفون فرد وجماعه
يالله يامعبود ياخير خلاق = تكتب لهم عندك موده وطاعه
=
المصاقير
يفز قلبي لاذكرت المصاقير
وترجع بي الذكرى لدار سكن لي
ايام كانت مثل لحن العصافير
في كل دار شيخ حكمه يهلي
للجار حشمه من رجال غنادير
وللضيف تقدير مكرم يضلي
افرح كثير ان كان جينا مسايير
احس كني جيت قابلت خلي
لعل دار العز تبقى على خير
ما دام فيها شيخ قائم يصلي
راشد الجمعان ( المحيط )