بسم الله الرحمن الرحيم
بداية ً كل عام وأنتم بخير
سؤال عالطاير :
لو سألوك انت بنقالي وإلا سعودي وش تقول ؟ --> أف جاب العيد أبو الشباب
تحسون إني أهذري صح
طيب الحين أقولكم ليش سألت السؤال اللي فوق --> وين فوق
عندنا : يجيك الخط أربع مسارات أو خمسه ويجيك بنقالي ماسك أقصى اليسار ويمشي عشرين والسعوديين ملطوعين وراه ولا ابن امه يقول له ثلث الثلاثه كم .. فايش تختار ؟
عندنا : البنقالي يسوي حادث والسعودي في المستشفى وسيارته في التشليح والبنقالي عشانه سواق عند تاجر كبير ويحتاجونه يطلع بواسطه .. ايش تختار ؟
عندنا : البنقالي يدخل أي سوق وفي أي وقت وبأي لبس وبأيسر الطرق والسعودي لازم يكون معاه محرم آآآآآآ أقصد عائله عشان يقدر يدخل السوق .. فايش تختار؟
عندنا : البنقالي يرجع بلده مليونير والسعودي راتبه كله يروح ديون .. قولي وش تختار ؟
عندنا : البنقالي يرتاد أفخم المنتجعات والفنادق ويطلع على أدق التفاصيل لا ويتوسط بعد لأخوياه ويدخلهم معاه والسعودي ولا حتى يحلم بيها ..هاه ما غيرت رأيك ؟
عندنا : يتعالج البنقالي في أفخم المستشفيات على حساب المؤسسة أو برواسطة عامل النظافه خويه اللي بالمستشفى والسعودي يدفع اللي وراه وإللي قدامه عشان يتعالج لأن ببساطه ما فيه تأمين طبي .. شكلك بديت تغير وجهة نظرك ؟
أعذروني : أقيمت الصلاة وبروح اصلي ..
اللي فكر في الموضوع لا يصدق يروح يغير جنسيته ..
ترانا رغم كل هذا
مستانسين
تحياتي
؛؛؛؛؛