مايخيب ظني في الأحبه والأصحاب = ظني بهم مثل الجبال الرواسي
ولا لنا عن موقف الطيب مجناب = واهل الوفا هم صحبتي تاج راسي
اخترتهم من يوم يومي وانا شاب = ولليوم فيهم ما تغير قياسي
منزالهم عندي على راس مرقاب = عز الصديق ملينة كل قاسي
ربعي بني عمي قريبين واحباب = مكسب محبتهم معي شى اساسي
راياتهم ترفع على كل الأقطاب = و تاريخهم في كل موقف حماسي
يالله ياغالب على كل غلاب = تجعل لهم نصرة على كل آسي
وتفتح لهم يالله مغاليق الأبواب = وفي جنة الفردوس نجمع سواسي
راشد الجمعان ( المحيط )