المشاركة الأصلية كتبت بواسطة غرور أنثى
سلام عليكما وعليكم السلام فديت البدية ومنهي بديت عدي عدي ياخته الله يحييييييك ياغرور أنثى هلا وسهلا كيف حالكم وش اخباركم بخيير سلمتي أخبارنا تسر العدوا والصديق ابشرك ماعلينا خلاف وأنا لوية وحوية . كيف السفان عساهم بخير السسفان أبشرك بخير وسلموا من ذا الشران اللي يسمونها فونزا الخنازير يايمه وش تيه الأمراض ماقد عرفوها جداننا ولا أبواننا ما كان عندهم إلا مرض يسمونه ( الصدمه ) ياتعني زكمه كانوا يقولون فلا ن مصدوما يعني مزكوما أي مصاب بالزكام وذا الحين يايمه خرجت علينا تيه الأمراض مرة فوانزا الطيور ومرة غزلة البقير ( جنون البقر) ومرة حمى الوادي المصدع يايمه عمرك شفتي وادي يصدع وحمى الضمى المحي حمى الضمى وذا الحين جتنا الخنازير كان عندي قربه مصنوعة من الخنزير وقمت وأشتلتها ونحت بها في الصافح خفت تعدينا . الله يكفينا ويكفي جميع المسليمن من جميع الأمراض وكان . والله ياغربتيه عنكنه لكن عمتيه نكحت حتى أنتي والله ياغربتك في قلبيه ماقصدي غربة مشاعر أقصد غربتك أنتي . بالله أن عمتك نكحت .... من خذت ياتيه أربها نكحت رجال فيه خير الله يوفقها ياخيريه ماعد في الرجال خير وأنا أختك إلا قله الواحد مثيل الزافر ويتحكم مايبغي ينقل المتع من مكانه والله أن الواحد يتخنطل من فوق الأمتاع مايرفع منها شهي خذوا عقله اللي يسوي كذيه خذوه ... تعبنا يايمه من المغزلة تعبنا ليت عمتك تريحت شويه وخلت النكح بعدين بتلحق خير مع الشياطين ذولي . وبديت أجهزها واساعدها الله يسعد من يساعد عمته والله أنك جوهرة وغلة من الغلال .. هاه علمينيه وش شريتوا لعمتك من جهاز يقولون أن الذهب غاليا يايخته لكن خذوا لها من ذاك اللي كنه ذهب وهو ماهو ذهب وش درى الناس عنه مايدرون حمولها منه بأشكل من جهدها وقولوا يالله سترك وخلو مهرها يايمه في البنك تنتفع به لو صارت معسورة . ها ذاحين بغدي افلح معيه شغله أفلحي أفلحي يايخته غريتك بالهروج تراني بعض المرات يسموني مغوية الرعيان أغوي الواحدة عن ضيعتها سامحينيه الهيتك عن ضيعتك على زوال العدوا يايخته . لكن بامركنه صبحا انشاء الله الله يحيك وجيبي لنا معك شثٍ قنا إن كان معك شي وشوية رمادة فال العدوا ودي أسوي لقمة خبزة نفطر بها أنحن واياك صبحا لا تنسين . في امان الله