[الراس الصغير]

المهم
عدنا

نكمل باقي السولفه

وين وصلت

وين وين ..لا حول نسيت

ايه ايه تذكرت

يوم طلعت المسرح

وجلست في المسرح حوالي ساعتين اى ثلاث ساعات وباقي على الفجر تقريباً خمسة ساعات

طبعاً ظلام دامس ما اشوف ولا طخه ( طخه يعني ما يشوف طرف أيده من الظلام الدامس )

فجتني فكره ..

قلت ياولد ليش ما انزل المسرح وهناك كراسي وانام عليها

ارتاح على الكراسي احسن من النوم على الفرش بدون بطانيه ولا مخده..
وفعلاً

امشي شوي شوي حتى تحسست بجدار واشوف تحت كراس يالله اشوفها

كان الضوء خافت مايبين الا علامات داخل المسرح ( خروج )

قلت بنزل تحت

واشوف الجدار طويل جدا بيني وبين المسرح ..

قلت بنزل بشويش

وأثبت يدي وانزل رجولي الثنتين

وياحلاوه سرت معلق .

توهقت معلق يا اخوان وما قدرت انزل ولا قدرت اطلع..

يالله يالنشبه

عاد تخيلوا الموقف .. صرت احاول اني اطلع ولا قدرت

وبعد جهد جهيد

لم استطع ان ارجع الى مكاني

وقلت ليش ما ارمي نفسي واللي يصير يصير

بس قلت لو رميت نفسي با اصقط على حرف احدى الكراسي وباروح فيها

الا يمكن اتكسر والا يصير لي شي داخل المسرح

طبعا قاومت ويالله يالله وجاء الفرج

اخيراً رجعت الى مكاني بعد تعب وشد

وقلت الله لايعيدها من فكره

ليه ما رحت نمت في احدى المقاهي او دبرت عمري احسن من هذا التعب

يا اخواني المسرح مغلقه ابوابه من تحت لو طحت ما احد درى عني ..يعني اصيح او اطلب مساعده
لن اجد احد يعرف مكاني

والحمد لله قضيت باقي وقتي على الفرش وطلع الصباح وخرجت..

يعني لو اني طحت تحت كان الى يومك وانا داخل المسرح


فقلت توبه بعدها ما عاد ازيد اسوي شي يخالف




وانتهت القصه

ونشكر كل من تابع معاناتي