[العرنين]

صباحكم / مساكم عسل
................................
استفتاح
يا فتاح يا عليم يا رزاق يا كريم
اللي على راسه بطحا ..لا يبيعها ، بيزيد سعرها
..........
مقدمه
Let which puts his hand in his pocket rewarmed
if attended or did not the inhabitants do not move
.....
كنت محضر مقال ودي اكتبه ، لكن قريت موضوع طير برج من نافوخي
خلاني العن ابو جد المقال اللي جهزته
طبعا الموضوع اللي قريته لا يمت للمواضيع بصله <<< ليست انثى البصل
لا من قريب ولا من بعيد ...
ما اقول الا يا صبر الارض
..............
الاماكن
هذي الاغنيه اللي اصبحت شغلنا الشاغل ،
خذ الريموت وافتح التلفزيون وقلب القنوات
ستجد ما يقارب 600 قناه عربيه على القمرين العربيين
80% منها يا تعرض الاغنيه ، يا تشوف طلب ( كنترول تكفى الاماكن )
( كنترول يرحم والديك الاماكن ) ( كنترول ليه ما تحطون الاماكن ن واهديها لك )
( كنترول وش فيكم اليوم ما حطيتو الاماكن الا 20 مره ، يا بخلكم)
خذ نفس عميق واطلع من بيتكم ، اول ما توصل الشارع تلقى بنقالي يغسل السياره
او بمعنى اصح يكد البويه ، تلقاه يدندن الاماكن كلها مشتاقه لك
تلطم بدون ما تاخذ نفس عميق لان ريحة الزيت اللي في شعره
لو عششت في راسك بيصيبك ادمان وساعتها ما ينفع فيك طب
شغل سيارتك وعند اول اشاره ، افتح القزاز عشان تفك اللطمه وتاخذ نفس لا تموت علينا
السياره اللي جنبك واللي وراك ، كلهم رافعين الصوت ، الاماكن كلها مشتاقه لك
ياااااااااااااه ، طفشت خلاص
تمشي في سوق تلاقي يماني يغني وهو يسفط بضاعته ،الاماكن كلها مشتاقه لك
تهرب من المجتمع كله وتنفرد بنفسك ( انتبه للرايه لا تكون متسلل )
على جهازك الخاص تفتح النت ، تطالع المنتديات ، التواقيع ثلاثة ارباعها
الاماكن كلها مشتاقه لك
تقول خلاص خلنا نقرى الجرايد ، تفتح موقع الصحيفه الفلانيه ويشدك خبر
تقرى الخبر بكل اهتمام ، لدرجة انك تجهز تعليق وتنزل الى اسفل الصفحه
تقرى تعليقات القراء ، ويجيك احباط ماشي 1000
واحد حاط الاسم ،الاماكن كلها مشتاقه لك
تدرون عاد من قوة المصاخه يقولون انهم بيترجمونها الى عدة لغات
يعني وراك وراك ، و من يدري يمكن بكره تصير النشيد القومي للامم المتحده

............
كتبت في ذكرى MMS لقيتها الصبح في جوالي
.
خاتمه
يا من شرى له من حلاله عله