[عاشق محال]

السلام عليكم ورحمة الله وبركاته


وكل عام وانتم بخير ....

اعتذر عن غيابي ....

واليكم ... هالمتواضعة ..

0
0
0
0
[poem=font="Simplified Arabic,5,darkblue,bold,normal" bkcolor="transparent" bkimage="" border="double,4,orangered" type=1 line=0 align=center use=ex num="0,black"]

عيد الفطر شرّف علينا هلاله=وانا بعد للحين ما اقبل هلالي
ارجي وليف(ن) شد عنا رحاله=اقفى وانا شديت لجله رحالي
اربع سنين(ن) غاب ياهملاله=وانا جريح الحب...ياهملالي
الله حسيبه كيف قصّر دلاله=وانا حشا مايوم قصْرَت دلالي
لو هو سقاني المر صافي زلاله=كاس الوفا والود لجله زلالي
ادري عقب فرقاي مزيون حاله=وانا عقب فرقاه يرثى لحالي
وادري بطيفي يوم ماقد طراله=وطيفه ورب الكون توه طرالي
وجريت أنا الابيات يالا يلاله=قاف نظمته بين (لاله) و (لالي)
هذا وليفي ياعرب من يساله=تكفون يالعربان ودوا سوالي
يوم ان عيد الفطر شرّف هلاله=متى على الله يــ بيشرّف هلالي؟؟؟[/poem]
0
0
0

[poem=font="Simplified Arabic,5,darkblue,bold,normal" bkcolor="transparent" bkimage="" border="double,4,orangered" type=1 line=0 align=center use=ex num="0,black"]
انا أحمد الله يوم بلغني العيد=رب(ن)كتب للناس صوماً وحجّا
اللي بعذبات المزن يروي البيد=ومقسم الافلاج فلجا وفلجا
القاف في شرعي طليق بلا قيد=اطلّعه من فج وادخلْه فجا
والشعر الى من جا بليا مقاصيد=يقفي ليا من صار بالوقت عجا
لي مع بقايا ذكرياتي مواعيد=موعد وصلني وموعد(ن) مابعد جا
ابطيت وانا في رجا باشة الغيد=ضاع العمر ويلاه وانا اترجى
ريمية ماجابها راعي الصيد=الخد ورد (ا)ربيع والعين دعجا
والصدر نابت مثل حلو العناقيد=وزود(ن) على ذيك التواصيف غنجا
اليا حكت ضاعت نجاح المساعيد=الله وكيلك مادرت لو تهجا
ياقلب ياقلب العنا والتناكيد=شف كيف رج فراقها الكون رجا
والله يلولا الدين وادرى المناقيد=لاصيح باعلى الصوت ثم اترجى
تكفون ياهل الخير ( بنت الأجاويد=زجت خفوقي بالمهاليك زجا)
ان كان ماهي جاتني ثاني العيد=لا والله الا هج ذا العقل هجا[/poem]
0
0
0

مع أطيب التحايا ....