[*** الصهيبي ***]

قاااااااااارعه رباعيه
بين كلاً من

((( الصهيبي ... الشاعر علي السبيه ... الشاعر حسن بن وجران ... الشاعر عبدالله الطفيلي )))
اتمنى ان تنال اعجابكم واستحسانكم

[poem=font="Simplified Arabic,6,#4F0806,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
حسن بن وجران=

احترت يا بحر في موجك ولااعرف وشع ماك=
عيني تشوفه وقلبي في البحر راح تيام=
نعـذبـه للشراب اولا نقص عد ماسال=
القلـب معلول من ضمن المعاليل ونهار=
ليته بيلقى على بحر الهوى من يتلـه=

الطفيلي=

تعال يازين وضح لي وقـل لـي وش اعمـاك=
انا انتظر لك تعود من العمر راحـت ايـام=
والمشكله مالتقي عنكـم خبـر عـد ماسـال=
اشوف طيفك قبل عيني معي لليل وانهار=
يامن سكنت الفؤاد وخاطري ميت (ن) له=
الصهيبي=
سلام يامن دعى ابن صهيب باجي وباراك=
دام الذي شيمته لامن دعي ما تصد دام=
ياصاحبن في حزاز الضيق له صول وجيال=
وليا دعينا لفونا حافضين الوفى اقدار=
يوم ان بعض الخلايق صاحبه ماوصل له=
علي السبيه=
وش نرتجي ياعرب من بوش وبلير وباراك=
صدقتم اللي يقول الحل في موت صدام=
والله لنشكي هوان الذل جيلً ورى اجيال=
والامر لله ذا عنده تصاريف الاقدار=
كلً بيلقى حسابه صم لربك و صله=
حسن بن وجران=
احترت يا ريس الصحه بوصفك وبدواك=
دواي لاشفت منتـوج العسـل والبلـح لام=
والا مزونـاً نصادفهـا مـع كـل الاحـوال=
ماعـاد نبغـي علاجاتـاً ووصفـه وتختـار=
مادام للشهد طعمـن مختلـف وشنقـن لـه=
الطفيلي=
ياصاحبي ماعد اترقب حضورك وبدواك=
ترى بعد غيبتك ماشفـت زولك بلااحلام=
والظاهر انك نسيتاني على كل الاحوال=
اخترت غيرك وبمكانك تدور وتختار=
الي نـسى حبنا وعهودنا وش نقله=
الصهيبي=
يازين باكفن اجروحك وباجي وبرجاك=
واخذ بيدك ونتبع من رحل وانقلو شام=
وحل بيبان سعدن قفلوها بالقفال=
واهيم بك في مدار السعد في كل الاقطار=
واقول ذي ديرت الغالي وذا مرتعن له=
علي السبيه=
لو تطلب البفت جبته وان طلبت الوبر جاك=
والمرت الاصلي رصاصه يوشم الخصم وشام=
تبلق بلا فايده والغبن للي بلق فال=
الى رمينا نصيب ورمينا كله اقطار=
ياكم خصيمً حداه الرمي والمرت عله=
حسن بن وجران=
حيا الله من هو يدك اهل البخل والعـدم داك=
ولايغير مضامينه صحافـه ولا اعـلام=
ولاخضع في زماناً نبصره وطى الابطال=
له هيبت(ن)شامخه مابين بدون وحضـار=
ولابتضلم بـيـوت الـجـود والا تقفله=
الطفيلي=
ياصاحبي عدت لكنه تـرى ماعـد امداك=
رح مثل ماجيت مابيني وبينـك والاعـلام=
ياما طلبتك وانا في حاجتك والطلب طال=
واليوم ماعاد يعنينا غيـاب (ن) وحضّار=
من عاف صحبتك لاترجيـه و الا تقف له=
الصهيبي=
مناك ودي حبيبي غير مـاودي امناك=
غـرك ملامة عـدوي يـوم راع البلس لام=
ياكـم تمنـيـت تعـدل مير خيبت الامال=
تركت صيدك لغيري لين راع القنص غار=
بالله من بعدنا يازين وش عايشن له=
علي السبيه=
يابحر مايروي الضميان ملحك ولا ماك=
عرضتنا للتلف وانحن ندور للاسلام=
وان كان غلق رصيك وانتهى ماتلا مال=
انبَه اهل العقول الراجحه والقن اصغار=
واللاش ليت الهوى من راس منعا يشله=
حسن بن وجران=
معيني اروح واتنحى على منتحى الراك=
الـراك مافـيـه منتوج(ن)يجـمل وحكام=
مانبصر الا القوافل فيـه ربط(ن)وعقـال=
لاوالله الا بننـزل عالجناء عـز مـنـدار=
واخـذ نصيبي منـه واصاوبـه لامحله=
الطفيلي=
غديت تقطع مواصيلك على من تحراك=
وتحط دعوى وترفعها لقاضـي وحكام=
ترى الحياه باقي بها خير والناس عقال=
وديرتك كنت اقول اشوفها عز من دار=
اليوم من حلها ماعاد انا لا محلـه=
الصهيبي=
وش حيلتي لا طلبت الما من البحر مسقاك=
وانا من العام الاول ضامين لين ذا العام=
لقّيت بالي للشربك ياعسى تروي البال=
ياوجد روحي روي غيري وانا شربي امرار=
منعتني صافي الما يوم انا دايخن له=
علي السبيه=
نسَقت الاعلام واطربني فنونك ونسقاك=
والله مايكشف اسرار البحر غير من عام=
بيني وبينك كما مابين لندن و نيبال=
وين المكان الذي نرجيه وامره امرار=
حنين صدري يزعزع نيس والداى يخله=
حسن بن وجران=
اشره على الشاعر اللي غلطتـه يـوم جـازاك=
جـازك وهـو هايم(ن)مافيـه حيلـه ولــو هــام=
انت الصحيب الذي في كل خطوه تبي الـدال=
الخوف في وسط وجهك سار بصمه وشيعار=
كـمــاك سـلـعـه ولايـبـغـي لـهــا جمـركـلـه=
الطفيلي=
خيبـت ظـن الـذي حبـك وبالطيـب جــازاك=
وضعـت بـيـن التكـبـر والتعـالـي والـوهـام=
وجيتنـي مـن قصـاك وكــل فـكـرك تـبـدال=
ماشي حسافه على صحبة مثيلك وشي عار=
وانت الذي حدني لا طـا علـى الجمـر كلـه=
الصهيبي=
ميعادنا والتلاقي فات بالله وش الهاك=
ياما تحريت مبداكم وخلق الله انيام=
والي تسويه فينا عال ياصاحبي عال=
وان جيت جاورتني باقول ياعز من جار=
قدرك قعودن وقدامك خلاص(ن) ودله=
علي السبيه=
ماحد يقل لي تفضل ياسبيه وشل هاك=
في الناس قطّاعة الساقه وعذّال ونيام=
وبعض الاصوات مثل العله لوصاح بي عال=
لكن لو جارت الدنيا بنا والزمن جار=
يضيّع اللي من اول كان دربه يدله=
حسن بن وجران=
ان كنت رواي فعلمني وقلي وش ارواك=
لي مدتاً صايماً عن كل منهل وخي صـام=
وسار للنهـل عـن دربـي ميـولاً ومعـدال=
ماعدبقلـى نحفـر للحنـش وانـتـج اخـبـار=
ولافتلـت الزمـان اولا بـعـد نـلـت فتـلـه=
الطفيلي=
نحـن تـرى نفتخـر ونحـب مثلـك وشـرواك=
وان خذت من مزحنا شرهه وتعبه وخيصام=
ابشر بحبة خشـم وابشـر بقـدر(ن) ومعـدال=
لا تاخـذ اخبـار مـن عـاذل ولا تنتـج اخبـار=
مـن طـاوع النـاس فيـنـا مابـعـد نلتـفـت لــه=
الصهيبي=
لا تنتشي شك من لاشن واشى لك بالاشواك=
بكشته في ماوشى يبلش بها من به اشيام=
وشاكلته الشليله شلة الباش الاشكال=
شف شاك لك شبك شباكه شرى شر منشار=
بنوشكه في شباك اللاش ياشابكن له=
علي السبيه=
اللي يشلّك مابين الشوك شالك باالاشواك=
شرحت لي غير مدري وش ربى نجد وش يام=
كلن وشفّه وراع الكيل ماينبلش كال=
اثرك مشاور وتشريها مع كل من شار=
وشفيك توك شباب وعارضك شاب كله=
حسن بن وجران=
يا راعي الإبل من صوب الحمى راحت ابلاك=
وســـرت مابيـنـهـا صـايــح وفــــارع ولأزام=
وخت لك في حمى الاصدار جوله وموصـال=
مـابـعـدهـا الا تحـصـلـنـا وطــاهــا والآثــــار=
والعـود لـو تبصـره بـي يقتـرب مـنـك زلــه=
الطفيلي=
لو جيت تتجنب اصحاب الفتن راح تبلاك=
وان قلت عالبعد بجبرهم وبالزمهـم الـزام=
ولايكـن بيننـا مـغـدى وملـفـى ومـوصـال=
هنـا بشـر قيـس معروفـك تطالبـك بالـثـار=
تحـاول تضايقـك حتـى يجـي مـنـك زلــه=
الصهيبي=
يالشيخ سامي نبيع الروح لجلك ولرضاك=
سامي بطبعك ومنطوقك مع الناس قد سام=
ولا نوينا دروب اهل الخطايا والوحال=
هذي يميني لكم مديتها حب واكبار=
للصاحب الي بطيبه زاح همي وحله=
علي السبيه=
يا نجد ماريحت قلبي خبوتك ولا ارضاك=
والسوق مايمدحه غير الذي فيه قد سام=
ماكان ساقك نشب في درب الانشاب لو حال=
ولا كل من يقرضون الشعر عرّاف واكبار=
وطلسم الشعوذه ماكل قاري يحله=
حسن بن وجران=
الحمد لله في الماقف رجالاً وشي ادراك=
عقولهم راكده تحت الطواقـي والاعمـام=
يفككـون الجبـال اوتنخـل الحيـد منـخـال=
ينومسون الرفيـق ابكـل همـات واسـرار=
ولاحصل في مشورتهـم وبالـراي خلـه=
الطفيلي=
اذا تكـرمـت جاوبـنـي وقـلــي وش ادراك=
عن كل ماقد حصـل بيـن الاحبـه والاعمـام=
انه مثل ماسمعت ان السبب كان مـن خـال=
غير حقائق وحرضهم على كشف الاسرار=
وقــال لـلـخـل يـتـمـرد عـلــى راي خـلــه=[/poem]





ودمتم بود
اخوكم
الصهيبي