[الشاعر شريف الزهراني]

الحب مصفوف والاشواق مصفوفه
والعين من بُعد غاليها نثر ماها.
والشعر مأوى لشكوى الشوق وظروفه
وانا بهيجن قصيدٍ يُسمع اصداها
في سوق واقف لمحت الزين ووصوفه
نسخه من الصدر بارز في مقفاها
لدت عيوني لها لدات مخطوفه
في لحظةٍ والهوا في عكس ممشاها
كّن الاغاني لها والشعر واحروفه
سبحان ربَ فرق عن خلقة سواها
مع غيرها براءتي ماهيب مقطوفه؟
و براءة الوجه معها وين ابلقاها!!
جمال ماهوب سلفة ميك وزيوفه
الزين من راسها ولين ماطاها
بحلم بها دام في حلم الدجى شوفه
بنام ... والحلم يرميني لمنفاها
تعال وارسل لـ قلب العاذل احسوفه
واكتب جميل القصص والحب مبداها
ان غبت غاب القمر والشمس مكسوفه
وان جيت كنتِ لي ارضً احمي احماها
يا أميرة القلب منه الناس محذوفه
ياظفري الوافي ي الروح وهواها
انتي امان لغريبٍ مات من خوفه
في مجتمع قص حبل الحب وقذاها
مؤمن بحبك لو الاقدار معكوفه
كافر بفرقاك والتوبه و منجاها

شعر/شريف عبدالرحمن الزهراني