الشاعر/////ناصر الفراعنه
بسم الله الرحمن الرحيم
بعد الغياب الطارىء أهدي الأنقياء هذه القصيدة المتواضعة التي طلبوها مني
.
الطفل الصغير كثيرا نداعبه
باللعب على شفاهه وترديد الكلمة المحبوبة عند الآباء (غاغ غوغ)
ولكن تكون على شفاه الطفل أفضل منها على شفاه المحبوب افضل اذا اعطاه الله
من صفاء النية ونقاء السريرة ما يجعلك تراه كالطفل المدلل
وسيأتي ما لا ادري عن سببه ؟
بسم الله نبدأ
,,
,,
,,
,,
مـا كتبـت الشعـر يـا نـور عينـي مـن فــراغ
..........فيـك واللـي فيـك يحتـاج لــه وقــت وفــروغ
الشـعـر فـــي غـيـركـم سـامــجٍ مايسـتـسـاغ
..........وفيك ما لا يُستسـغ مـن ورا خشمـه يسـوغ
احـسـن الابـيـات فــي بوتـقـة قـلـبـي تـــداغّ
..........بـسّ مـن هيبـتـك لا جـيـت ابكتبـهـا دغــوغ
اتعـب المرسـم يـدي واتـعـب الفـكـر الـدمـاغ
..........لين شفت لنجمـة الشيـب فـي راسـي بـزوغ
مـن عـذر قلـبـي نـهـار ابــرز البيـضـا وزاغ
..........هوّ به من شاف مـا شفـت قلبـه مـا يـزوغ؟
فـي حياتـي مـا ذكـرت انّـي طشّيـت الشمـاغ
..........ليـن شفـتـه وانـزلـغ دمـعـي الاحـمـر زلــوغ
طفل توّه في حشا امّـه يغاغـي (غـاغ ..غـاغ)
..........يتلعثم وان حكى افصح كلامه(غـوغ..غـوغ)
مـا يعـرف مـن الهـوى كـود لعبـه بالصـبـاغ
..........ابيض ابيض ما يعرف الصدوغ من الرسوغ
فــي عيـونـه صــاغ الآلــه شـــيٍّ مـايـصـاغ
..........فـصّ ساحـر صـاغ فيـه آيـة الفرقـان صـوغ
في الهدب هيبـة (نَبِـيْ) مـا عليـه الاالبــلاغ
..........وفي النهـد (طفـلٍ) بلـغ مـن قبـل سنّ البلوغ
وفي خـدوده راغ بـارق سحـاب الشـرق راغ
..........بسّ انا من خوف يعمي عيوني ويـن اروغ؟
يا جماعة وان غدا القلـب مـن جوفـي وبـاغ
..........مـن يـدوّر لـي معـه قلـب آخــر مــا يـبـوغ؟
بسم الله الرحمن الرحيم
يا الاهي لا اله الا انت سبحانك إني كنت من الظالمين برحمتك استغيث يا حي يا قيوم
لا صار ما شاربك يدفع عـن اللحيـةشوري عليك احلق اللحيه مع الشارب
عن الردي كان مـا رجلـك بمنتحيـهلآبوك لآبوه لآبـو طبعـك الخـارب
ومن الردي كان ما نفسك بمستحيـهمنك الهرب خير ما يستعمل الهـارب
بيضة نعـامٍ (بخـب النقـع) مدّحيـهمشكوك في وضعها يا سعيد بن زارب
لو قام يِرحي عليها الهاشمـي رحيـهالقول في اصلها المزعـوم متضـارب
راحت علينا عقب ما اخطت بني شحيهلو كان من دونها كل اشوسٍ حـارب
صيّور ما هضبةٍ في الأرض مطّحيـهليل الغرق , ما ينجّي من الغرق قارب
لا والذي في المدينه ما كـذب وحيـهسوّ الدهر ما ترك حبلٍ علـى غـارب
صفحات الايام مهمـا تطـول ممحيـهلو سقت منها خبرها في ظهـر دارب
لي هرجةٍ من علـوّ القـوم ملتحيـهاليا كرب محزمه مـن قدّهـا كـارب
يورب لها كل من عـوّد علـى لحيـهسدّ البلا لقّبوه مـن الوجـع مـارب
لا صار ما شاربك عقّب عن اللحيـهشوري عليك ازلط اللحيه مع الشارب
|