رد: .•°« ديوان الأستاذ الشاعر : علي البيضاني »°•.
قصيدة سبعة شهود للشاعر علي البيضاني
ابو فيصل يقول عندي على من يخاصمني ردود
اقدر آخذ معه وأعطي ويقدر على ظلمي يدلل
إن قدرنا على إقناعه بها وإن عجزنا ما نُظام
لكن اللي خصيمه وقته اللي غدر به من يقاضي
غصب وقته على كيفه يمشيه وعلى راحته
بالله ياسامعين الصوت كونوا حكم بيني وبينه
واحكموا بالصحيح وكلمة الحق لي والا علي
أدري إن الشهادة قايمه لاشهد لي شاهدينا
غيرعندي على ظلم الزمن يابشر سبعة شهود
شاهد الحال الأول ( طيبة القلب ) في وقتــ(ن) تقدم
ليش بدلتها ياوقت قسوة وحسد وضيق بال
وأنت يالشاهد الثاني ( حياة التعاون ) و المبادي
وين ياوقت ضيعت التعاون وتشبيك الكفوف
وأنت يالشاهد الثالث ( زمان السيادة و الشجاعة )
وين وقت الحمية والفروسيه وأبطال الجهاد
وأنت يالشاهد الرابع ( حياة الكرامة والشهامة )
ليه ياوقت تلغيها وتمحي بقايا رسمها
وأنت يالشاهد الخامس ( زمان الوفا بالعهد الأول )
صار وقت الوفا بالعهد مثل الغريب بلا وطن
وأنت يالشاهد السادس ( قلوب الصراحه والنوايا )
بعدما كانت أنقى من سحاب السما صارت سواد
وأنت يالشاهد السابع ( حياة العفاف ) العربية
ليش خرجت بنت الحشمة والعفة من جلبابها
هذي سبعة شهود أتقدم بها لميزان العداله
|