[منبع الطيب]

الشاعر الكويتي / سعد بن صالح المطرفي
من اجمل الشعراء واكثرهم شاعرية < من وجهة نظري
ينبض احساسه بجمال الكلمه والمعنى
يعرف كيف يوظف الكلمه والمفردة باسلوب شعبي قريب الى القلب وواقعي
لديه قصائد عديده نالت على اعجاب الكثير ومنها مغناة لأكبر مطربي الخليج العربي
اطرح بين ايديكم احدى جواهره الثمينة ..



صدمه تجيك من أبعد الناس تجرحك
يمكــن تعــديهـا بحـسبـة ثــــوانــي

لكن لا جتك من أقرب الناس تذبحك
عـشـان تنسـاهـا تـبـي عمــر ثـانـي

ياقـلب أنا كـم لـي أعاتبك وأنصحك
وأقــول لـك ياقـلب وأنت تعصــاني

أتعب على اللى كل ماجيت يفرحك
لاتضيـــع أيامــك تــرا العمــر فاني

اللـي يبي يخسرك ماراح يربحــك
واللــي يبــي يربحــك لجلك يعــاني

واللى يبي يسترك ماراح يفضحك
يفضحك من يرضى عليك الهواني

واللى يبي يشتمك ماراح يمدحك
حتى لو أنك مجني تصير جاني

واللى يبي قربك لو أبعدت يسحبك
حـتى لــو أنك بحـــر مابك مــواني

واللى يبي بعدك لو يدل مطرحك
ماجــاك لــو كنتم قراب المبــاني

أتعــب على عيون إذا جــات تلمحك
تلمـــح بنظــرتهــا وقــدرك معانــي

ولاتـقـــرب مبعــد القلب تلـفحـك
هبايـب الصدمــات ســـم المحاني

صدمه تجيك من أبعد الناس تجرحك
يـمكـــن تعـديهــا بحـسبة ثـوانـــي

ياقـلــب ريحـني علشــان أريحـــك
بيـت الصحيـح ولا بيــوت الأمــاني.
.
.

دمتم بود.