الشاعر علي بن جدوان
الملقب علي بن جره
من الشاعر المعاصرين وقد توفي رحمه الله وهو يتمتع بذاكره قويه
وكان يجيد الشعر وله صوت مميز ومن قصايده قصيده قالها عندما
كان مسافر بالطائره من جده الى الرياض لزياره بعض الاقارب
وكان الشيبه هواوي وقلبه اخضر يوم جات له المضيفه وورته مقعده جلس وكان ذيك الايام ينوي الزواج ولكن
كل ماصمل يقول لعمره انت شيبه وشلك وللزواج
جلس جمبه شايب يمكن اكبر منه بالسن وقعدو يسولفون والشايب الثاني كان معه بنت صغيره بالسن جالسه جمبه
وهم يسولفون وتكلمو عن الزواج قال بن جدوان اقول ما تزوجني ذا الصبيه الي معك
قال اي صبيه تقصد قال ذي الي جمبك
ضحك الشايب وقال ذي الله يصلحك زوجتي وتونا متزوجين وراجعين للرياض بعد ماتمشينا بجده واعتمرنا بمكه
قال ايش؟؟؟؟؟
انت من جدك قال ايه
وسكت الشاعر وهو يتمتم وقلبه بينفقع من الغل
يقول انا حرمت نفسي وذا القحم تزوج
يو وصل الرياض وتذكر البنت وتذكر الديره وشاف ان الشايب ما يصلح لها قال
البدع
ياصيد يرعى في وادي قل عشبه على اهله
ديار شينه وعيشتها نكد من زمانه
رح نيس والاخلنسى وارتعي من وفوقه
اسرح يالادمي في ارض الله وكل من عشيبه
الرد
مدري هوايه منه والا يكون جت من اهله
قدم عليه عريضه يامجلي ثمانه
يطيع والا العساكر للحكومه تسوقه
يسلم البندقه لاهل الهوى عاد شيبه
نيس جبل معروف
خلنسى شعب في وادي سقامه
الوفوق قصده العشب
الادمي نوع من الغزلان
شبه البنت بالغزال في البدع وبالبندق في الرد
ويتسائل في البيت الاول هل البنت هي الي مختاره والا ان اهلها غصبوها عليه
وسلامتكم وارجو المعذره لو كان هناك نقص في القصيده
تحيااااتي