[عبدالرحمن العمري]

بسم الله وحدهـ
أعودُ من جديد بهذا النصّ ،،

قد قيل .. الشاعر لسان قومـه ..
و قد دخلتُ من هذا الباب .. لآحيي بعضَ الألفاظ القديمه ..
اللتي إندثرت أو هيَ على شفير الإندثار
[rams]http://www.alsh3r.com/files/3bdAlr7mn_al3mry/(34).ram[/rams]
[poem=font="Simplified Arabic,5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]

حيّ القصيد اللي حشمتَه عن شِرى من سامه= يوم القصايد روّحت ب(اشباه لاش) و سومه
قاف ٍ خِطِب ل(بني عُمر) و اللي خطبْه (تهامه)= تبطي سماسرته تجرّ اذايالها مهزومه
ربعي و من غنى بربعه ماحدن قد لامه= لا واهنيّ الشاعر اليا قادها مخطومه
لاهي تشطّ و لا تخطّ اقدامها و اقدامه= دربٍ مشى فيه العرب نمشيه لوّه (هومه)
ياللي تنصّ (المعصبه) تاج ٍ تعلى هامه= حلّي نباك و (غطرفي) قومتْك بميَة قومه
من لا حزم (جنبيّته) بات الفلس بحزامه= و الاّ الفتى ما يجّله حرصه ليا جا يومه
جيتك و انا رجل ٍ سما باخواله و باعمامه= عزّ (الاشاعيب) و مواقيف (العلي) برسومه
قوم ٍ ينمّون الكرم كلّ على مردامه= ما (تنشح) الدنيا لحَد و كفوفهم ديمومه
مرهينها للضيف ريف و للرفيق اكرامه= كلّ ٍ له (بْميلانهم) حقّ ٍ و له مقسومه
ما منهم اللي غلّت ايديه و ختم بابهامه= غير الذي يبخل على نفسه و بدّى قومه
تندى مجالسهم شرف كنّ الفتى باحرامه= ما حلله طول المدى من طيّبات علومه
(سالفهم) الحقّ المبين البيّن لمن رامه=عبّاد زهّاد ٍ شداد حداد في ملزومه
رجالهم قامة وفا عن قامتين و قامه= دون الردى في موقفه (قرنة شدا) منجومه
شيخ ٍ ربى في ظلّ شيخ منزّه ٍ هندامه= و ان دقرت ما يفرق الخنجر من (القدّومه)
شمٌّ لهم باع ٍ طويل و سطوة ٍ لطامه=لو يلتفت منهم حدٍ للحرّ عوّد بومه
يا هيه لو بالشاه راس ٍ شيّخوه اقوامه= وش يآخذون برجلهم لا عوّدت مثلومه
يردون للموت و عليهم خامة ٍ في خامه= شهب ٍ و كنّ ارض ٍ وطوها ثوّرت ملغومه
يبغونها عِوجا ً صحيح اليا غدوا صرّامه= روس ٍ تطول ارقابها يا نكسة ٍ يا حومه
ما يطربون الاّ على بارودهم و انغامه= في موقف ٍ بعض العرب دارت على (خمخومه)
ما يستبدّ بهم كلل سبّارة ٍ حوّامه= في كلّ شبر ٍ تلتقيك آثارهم مرسومه
كم من ولد جار ٍ يحسّبهم هله و ارحامه= لولا نسبْه اليا انتسب و انسابهم معلومه
يا كيف يرضون الدنيّه و الجمَل بسنامه= (زهران) ياا نسل الملوك و حلية ٍ منظومه
من غابر عصور الحجاز و للعدو همهامه= تخشع لها جنّ الشعايب شرّق ٍ مغمومه[/poem]

يُقال / (ببلاش و اشباه لاش) .. نفس المعنى و التكرار للتوكيد.
(تهامه) .. تهامة الحجاز ..
(هومه) .. بمعنى (خاويه) خاليه موحشه / ( المعصبه) .. ما تربطه الفتاهـ على رأسها / و تسمّى عُصبه / عصابه.
(غطرفي) .. زغردي
( الجنبيّه) /: فوق الخنجر و دون السيف .. و ترونهاا في أغلب المناسبات ..
الآشاعيب .. و أنا منهم / و العلي / فرعان لـ بني عمر / (تنشح) تشحّ ..
(ميلانهم) أموالهم .. و يقول الشاعر فيها
(يا عبدالرحمن طاري معَك ميلان .. ذكرك معَ غامد و طاريك في زهران)
(سالفهم) / السالف .. هوٍ السِلم / العادهـ التقليد ..
(القدّومه) أداهـ .. أشبه بالفأس .. و المسحاهـ / و لكنها أصغر ..
(قرنة) .. قمّه / شدا .. جبل .. و هو أعلى قمّه .. في تهامه ..