مرة في رمضان .. شفت طبخة في منتدى شوقتني ردود العضوات اني اسويها
الطبخة عبارة عن عجينة من فوق ومن تحت
وفي النص حشوة مكونه من قطع لحم النعام وقشطة ومايونيز واشياء ثانيه معها
اهم شي ركزوا على لحم النعام .. لاني ما احبه بعكس اهل البيت
قلت يا بنت صيري نشمية واطبخي لهم وان كنتي ما تحبينها ...
واتخيل شكلي ونا خارجة من المطبخ شايلة الصحن وهالة من الحب تلف حولي
بعدين احط الصحن وهم يصفقون لي وبناظروني بفخر وامتنان .. شوفوا النشمية شوفوها
المهم توكلت على الله وقلت بسويها سحووور
وعندي واحد من اخواني يحطم اللي ما يتحطم
ما يحب اي شي اطبخه .. ولا يجامل ولا يشكر
صحيح ما انكر اني مو ذاك الزود ولا اضبط الا الاكل الهندي والاشياء المألوفة مثل الكبسة .. بس فيه شي اسمه ذرابه .. مجاملة
جاني قال تعوذي من الشيطان وخلينا نتسحر زين اليوم
عاد انا عندت يوم قالي كذا واصريت الا اسويها .. بدأت والله من الساعة 2 .. ونا اهف وانش على الاكلة
وحايسه ام الحوسة ..
صارت الساعة 3 ولا تحسن في مستوى الامن في المطبخ .. بالعكس من سئ الى اسوء
قبل صلاة الفجر بأقل من ساعة الا ربع طلعتها من الفرن .. و اتكسفت
الطبقة اللي في النص كبر رآسي لدرجة ان اللحمة لسه نيه وطعمها بنكهة الخياس..
يعني شي بـ البلى
حاول ابوي يجاملني مثل كل مرة والا مافي امل ..
اخر شي قالي شوفي يا بنت الناس .. تعبت اجامل على حساب حياتي وفي حلقي ذرية
ثاني مرة لا تهببين لنا .. مو اخوك اللي يذبحك .. انا اللي بذبحك
فأضطروا يصومون ذاك اليوم بدون سحور مجرد فواكة وحبه تمر
عرفت وقتها اني في بيت ما يقدر المواهب
الهداية من القصة
لا تتشطرون في رمضان
ترى مرة مو وقته
شكرا طوق