حيّ اللواء ، حيّ الإسم ، حيّ أحرُفه
____________________
بمناسبة ، ترقية ، الاخ الحبيب ، والنسيب الغالي ، محمد علي ال غرسان ، إلى رتبة لواء ، بمديرية حرس الحدود
يامن له أسراب الطيور مرفرفة=اجعلني أوفي مع محبين الوفا
البعض يستخدمك مثل المنشفة=واذا انقضت حاجته يعطيك القفا
واما محمد كل واحد يعرفه=خدام من طيبة ومن ود وصفا
حي الذي رقّاه واللّي كلّفه=اسمه محمد نايف وأسمه كفا
متشرفة رتبة لواء متشرفة=بكتوف ابوحاتم وتشفي له شفا
تغطرف الرتبة لكتفه غطرفة=يستاهل الدنون والهافي هفا
مرحوم ابوه الطيّب اللّي خلّفه=ويسعد امٍ جابته واللي لفا
امٍ يمسّح دمعها ويكفكفه=ماقال : افّ ولا سمع منها : أفا
نجل آل غرسان الكرم والمعرفه=نسيب بيت ال الصعيدي ياعفا
بيت الدعيبي بيت : قِدر ومَغرفة=وبيت الصعيدي بيت : نوره ماانطفى
اصل ونسب وبلاد جود مجغرفة=بيتين ماحد جاع منهم او حفا
في وقت كان البير قاعٍ صفصفه=والريح بالتربان سافيها سفا
بيوت معروفة بعزّ ومُترفه=تدسّم الشارب ولاتعرف كفى
لاهفهفت سيرة محمد هفهفة=شبع بها الجوعان والبارد دفا
متواضع ورافع حدود التكلفة=واصل رحم لو صد غيره او جفا
حيّ اللواء حيّ الاسم حيّ أحرُفه=حيّ الله محمد علي وجه وقفا
سيده كلامه مايحب اللفلفة=كم اشتفت منه المكارم ما اشتفا
يبدي بوجهه والوجوه مصفصفة=عن نجدة المحتاج رمشه ماغفا
البار بامه والصلاة ومصحفه=الزاير المرضى بدعوات الشفا
المحترم في كلمته وف موقفه=سهل الجناب ، اللي عن المخطي عفا
له من هدا الطايف سلام وهفهفة=واهديه سلة لوز من راس الشفا
هاذي قصيدة كايفة ومزخرفة=وهاذي علومي وزايدها عفا