(( خاين الود ))
لك عام وانته تطري الهجر والصد
والا الوفى بالحب ماقد طريته
والله ماتوقف حياتي على حد
من راح عني بلاعذرمااقفيته
غيرك كثير اعد واغلط في العد
و اللي شراني بالمحبه شريته
نسيت وعد الحب ياخاين الود
عقد الهوى تبصم عليه ماقريته
فيه الشروط موثقه اب عن جد
باعاقبك عن كل ذنبٍ جنيته
قلبك عن دروب الوفى صاف وارتد
بعت الهوى ودرب الخيانه مشيته
من جور ظلمك اصفق اليد باليد
وشلون يجفاني وانا اللي احتويته
ماعاد فيني صبر يازاهي الخد
ملَيت لي قلبي جروحٍ مميته
انته بدعت الجرح لك مني الرد
بتشوف شيٍ بالحلم مارأيته
بنيت لك في خافقي قصر وانهد
وحبك رميته بالتراب ووطيته
بابٍ يجيب جروح لابد ينرد
يكفي لذيذ النوم ماقد هنيته
يله توكل كل شيٍ وله حد
القلب عن مثلك بيدّي عميته
سامي العويفي