عرض مشاركة واحدة

**نسيم السروات** · 21-01-2010, 05:15 PM

فديت من جاء ومن بدأ يانفدى الغلايم نور الجنوب والراقية ودمع الأحزان

أقول يانور الجنوب مستورة مابعد أفطمت ولدها وأنه قحمن يايمه يالله شفاعتك باقي ترضعه أمداها جابت لها أثنين غيره

والله أني أشوف كرشتها كبيره وأحسبتها حبلى . عليه عنها في تاك اللحمان تشيلها ليتها يايخته تسوي لها من ذيه

الداهية اللي يقولون عليه رجيم نعوذ بالله من الشيطان الرجيم .

وعطية زوجك ليشن دعاك وش يبغى مايخليك تهرجين معنا الله يعباله معده هههههه >>>> حلوه معده صح

هيا شوفي طلباته وتعالي لا تحوين علينا .

وأنتي يالراقية فديت عمرك وتامعك الخلقه الشريفه يوم جيتي تهرجين معيه والله لبغيت أسرب عليك ولديه مفرح يدعيك

تقهوين معيه وتهرجين . وفديتك تعالي كل يوم أني قمت مع الصبح وحوقت السيح وفرشت عند سدة البيت عقوف نبرد فرشت

هتله معيه قديمة وحطيت فوقها حنبل (ن) ومن طواريفها وسائد معيه محشيه رفه تهني من يتسند عليها .

والله يوم قمت صبحا ياراقية ياحكلة جوف عمريه وصليب جوف ركبيه حسيت أنها بتتناصل وقلت أظن معيه حمى

وقمت أبتردت لي بجغمة ماء بردت بها عمريه وكني أشوى شويه قدرت أقوم بضيعتيه يووووه ياعمريه

راح الصبا راح الله يكون في العون .

هويه يارقية ماجبتي جدتك معك والله أني لحبيتها تامعك الكهله محلا هروجها لو أنها ماتتنكر علينا بعض

الزينه واللبس أنتي عندك جدتك وأنا عنديه أميه صرت أخاف منها كني باقي صغيرة وأنا يايمه كبيرة وناكحة من سنين

إذا شافتني صابغة شعريه أومشقرته تقول الله يغطك في تامعك الكعشه كنها أنكفح فوقها دوى غسيل وإذا شقرت حواجبي

قالت يالله عقلي وداعتك وشمعا حفانك كنها تحتحتت وصارت شويه وإذا حطيت ميك أب قالت وشمعا وجهك محبشن كن فوقه

طحينن . أما الملابس فاسكتي ساكته والله مايعجبها شي من لبسي مرة تقول يعوه على ذا اللبس فوقك وشمعه أغبر باهتن لونه

وإلا تقول هويه ياتمعك التنوره مخزوقه عليك غيريها والله والله أنها تفشل رقعة الوجه مدري عاد وش يعجب أميه ماعرفت

لها. وأني قمت ذاك اليوم كان عندنا صدة ودخلت في أحدى الغرف وتلبست ذاك الثوب المكلف وتصمدت بذاك المنديل

الأصفر وتلبست الشبكه من فوقه وخذت لي قلائد ضفار وتحزمت بحزام فضه وتلبست في أيديه حجول وخواتم

حقت أميه يوم راحت عروسن وحطيت فوق مهادليه ( براطم _ شفايف ) روج أحمر وتكحلت بذاك الكحل الأسود

كأني متكحلة بفحمه وخرجت على أميه والله والله لبغى يغمى عليها من الفرحة قامت تسمي عليه وتحبحب فيني

وتقول هيييوا أما ذا ذا لحين صاخ الشيطان عليك ذكر الله والله ما كنك إلا عروس فديت وجهك وقامتك فديت عمرك

والله أنك خيار من يروح الصدة اليوم عاد رحت بتاك الخلقه للصدة كبيرات السن كشرنه فيه أما البنتات يضحكنه

عليه وأحس أنهن يقلن ميديه جاية حفلة تنكريه لكن ماعليه منهن أهم شي أني أعجبت أميه وأرضيتها وغيرت شويه

من الروطين ( الروتين ) .

أما أنتي يادمع الأحزان تقولين ماتبغين تهرجين هويه يايخته لا تكونين بكما ماتعرفين تهرجين

تقول تبغى تسمع وكان لالا لا نبغ هروجن هيله ونبغى سواليف من عهد الجدان تهرجي يايخته لا يردك

إلا لسانك لا تقولين ما أعرف مافيه زهرانية ماتعرف تهرج زهراني حتى لو أنها تربت في أمريكه أمها

وجدتها زهرانيات والأصيل ما يغير هرجته فديتك تهرجي وتسمعي .

هيا يابنات بغدي أطهر وأصلي وذن المغرب عندنا في الرياض .

تبايتون على خير....

21-01-2010, 05:15 PM	#5
نسيم السروات مراقبة التراث وسوالف الاولين	رد: * تعالوا نتهرج بسواليف الأولين * فديت من جاء ومن بدأ يانفدى الغلايم نور الجنوب والراقية ودمع الأحزان أقول يانور الجنوب مستورة مابعد أفطمت ولدها وأنه قحمن يايمه يالله شفاعتك باقي ترضعه أمداها جابت لها أثنين غيره والله أني أشوف كرشتها كبيره وأحسبتها حبلى . عليه عنها في تاك اللحمان تشيلها ليتها يايخته تسوي لها من ذيه الداهية اللي يقولون عليه رجيم نعوذ بالله من الشيطان الرجيم . وعطية زوجك ليشن دعاك وش يبغى مايخليك تهرجين معنا الله يعباله معده هههههه >>>> حلوه معده صح هيا شوفي طلباته وتعالي لا تحوين علينا . وأنتي يالراقية فديت عمرك وتامعك الخلقه الشريفه يوم جيتي تهرجين معيه والله لبغيت أسرب عليك ولديه مفرح يدعيك تقهوين معيه وتهرجين . وفديتك تعالي كل يوم أني قمت مع الصبح وحوقت السيح وفرشت عند سدة البيت عقوف نبرد فرشت هتله معيه قديمة وحطيت فوقها حنبل (ن) ومن طواريفها وسائد معيه محشيه رفه تهني من يتسند عليها . والله يوم قمت صبحا ياراقية ياحكلة جوف عمريه وصليب جوف ركبيه حسيت أنها بتتناصل وقلت أظن معيه حمى وقمت أبتردت لي بجغمة ماء بردت بها عمريه وكني أشوى شويه قدرت أقوم بضيعتيه يووووه ياعمريه راح الصبا راح الله يكون في العون . هويه يارقية ماجبتي جدتك معك والله أني لحبيتها تامعك الكهله محلا هروجها لو أنها ماتتنكر علينا بعض الزينه واللبس أنتي عندك جدتك وأنا عنديه أميه صرت أخاف منها كني باقي صغيرة وأنا يايمه كبيرة وناكحة من سنين إذا شافتني صابغة شعريه أومشقرته تقول الله يغطك في تامعك الكعشه كنها أنكفح فوقها دوى غسيل وإذا شقرت حواجبي قالت يالله عقلي وداعتك وشمعا حفانك كنها تحتحتت وصارت شويه وإذا حطيت ميك أب قالت وشمعا وجهك محبشن كن فوقه طحينن . أما الملابس فاسكتي ساكته والله مايعجبها شي من لبسي مرة تقول يعوه على ذا اللبس فوقك وشمعه أغبر باهتن لونه وإلا تقول هويه ياتمعك التنوره مخزوقه عليك غيريها والله والله أنها تفشل رقعة الوجه مدري عاد وش يعجب أميه ماعرفت لها. وأني قمت ذاك اليوم كان عندنا صدة ودخلت في أحدى الغرف وتلبست ذاك الثوب المكلف وتصمدت بذاك المنديل الأصفر وتلبست الشبكه من فوقه وخذت لي قلائد ضفار وتحزمت بحزام فضه وتلبست في أيديه حجول وخواتم حقت أميه يوم راحت عروسن وحطيت فوق مهادليه ( براطم _ شفايف ) روج أحمر وتكحلت بذاك الكحل الأسود كأني متكحلة بفحمه وخرجت على أميه والله والله لبغى يغمى عليها من الفرحة قامت تسمي عليه وتحبحب فيني وتقول هيييوا أما ذا ذا لحين صاخ الشيطان عليك ذكر الله والله ما كنك إلا عروس فديت وجهك وقامتك فديت عمرك والله أنك خيار من يروح الصدة اليوم عاد رحت بتاك الخلقه للصدة كبيرات السن كشرنه فيه أما البنتات يضحكنه عليه وأحس أنهن يقلن ميديه جاية حفلة تنكريه لكن ماعليه منهن أهم شي أني أعجبت أميه وأرضيتها وغيرت شويه من الروطين ( الروتين ) . أما أنتي يادمع الأحزان تقولين ماتبغين تهرجين هويه يايخته لا تكونين بكما ماتعرفين تهرجين تقول تبغى تسمع وكان لالا لا نبغ هروجن هيله ونبغى سواليف من عهد الجدان تهرجي يايخته لا يردك إلا لسانك لا تقولين ما أعرف مافيه زهرانية ماتعرف تهرج زهراني حتى لو أنها تربت في أمريكه أمها وجدتها زهرانيات والأصيل ما يغير هرجته فديتك تهرجي وتسمعي . هيا يابنات بغدي أطهر وأصلي وذن المغرب عندنا في الرياض . تبايتون على خير.... ـــــــــــــــــــــــــــــــــــــ التوقيع أخر مواضيعي التعديل الأخير تم بواسطة نسيم السروات ; 21-01-2010 الساعة 05:50 PM.