والله لولا حبه اللي بلاحدود = واللي تجرعت القهر من عذابه
ملفي على دار بها البغض موجود = لوكان رزقي فيه ما دق بابه
عشت الليالي كلها البيض والسود = ماحد وطا لي في زماني مهابه
واليوم مما شوف ضايق وملهود = صدق المشاعر مختلف وش جرابه
صفو النوايا ضاع والحق مجحود = ساير عليه من الزمان انقلابه
ليت الزمان اللي مضى احداثه تعود = حتى نعرف اللي جرا في كتابه
اللي عليه الله وخلق الله شهود = ياما شربنا فيه صافي شرابه
راشد الجمعان ( المحيط )