[شذى الريحان]

زهرانية والنعم

الام تتصرف احياناً من خوفها على بنتها او تحاول تعطيها دروس بطريقة قاسية ممكن تعكس على البنت بطريقة عكسية

احيانا اسمع عن بعض الامهات اللي تعنف بنتها على اي غلط او تسمعها من الكلام الجارح طبعا الام ماتكره بنتها

لكن في اعتقادها هذي طريقة ناجحة لتعليم البنت مسؤولية البيت وغيره
ماابغى اطول عليكي انا في منتدى اخر طرحت نفس هذي المشكلة واتكلمنا واتحاورنا انا وبعض الامهات

اعرض كلام العضوة وردي عليها لان البنت احيانا تقسى عليها حتى المدرسة او اذا كانت نتيجتها لاترضي الوالدين

تأخذ البنت على راسها او حتى الولد وتكون اللي نتيجتها رائعة وممتازة هي اللي محد يدعس لها على طرف



هذا كلام العضوة






هلا بالغالين ورجعت لكم بحكاية طازة كما وعدتك غاليتي ...


رفقا ً بالطالبات يا معلمات
أحب أشارك مع زهورتنا بمواضيعها الحلوه
وحا حاول الإختصار ونعطي فرصة لباقي الأخيار ..
بعد الإجازة ومع بداية الفصل الدراسي الثاني
كل عام وأنتم بخير وموفقين أولادكم وبنتاتكم
وبسم الله نبدأ
عادت إبنتاي التوأم من المدرسة فرحين يحملن
شهادتهن نتائج الفصل الأول ... "ثالث متوسط "
قلت بفرحة ها بشروني كيف النتائج ؟
أول مادخلت " توت " مسرعة وقبلت يداي ورأسي
والفرحة مرسومة على وجهها وقالت ماما الحمدلله
أعطوني شهادة تقدير وهدية ونسبتي 98 %
وترتيبي الثانية قلت ماشاءالله على البركة حبيبتي
قبّلتها وضميتها من فرحتي والحمدلله حصلت على
نتيجة جِـدّها وإجتهادها
أما الأخرى "لول " دخلت هادئة قبّلتني ولم تتفوه
بكلمة علمت إنها ليست من الأوائل
ولإنها أقل إجتهاد ... باركت لهما فرحة بنتائجهما
لكن توت كانت متذمرة بعض الشئ .. لنقص درجة
في مادتي العلوم والفقه ... قلت الحمدلله إنشاءالله
تركزي أكثر وما تستعجلي في الخروج من قاعة
الإمتحان الإ بعد التأكد من مراجعة الإجابة عدة مرات
وتركتنا لتبدل مريول المدرسة ..
وأما لول .. كانت صامتة والحزن بادٍ على وجهها
تسألت ليه يا لول ؟ ؟ نزلت كتيير عن مستواك ِ
اللي نعرفه عنك !
فالت مادري ذاكرت وسويت اللي قدرت عليه
طيب 10 درجات نقص بالقواعد كثير ..! كيف ..؟
هادي المادة معقدة منها وزادت المعلمة صعّبتها علينا ... وو طيب إنت ِ ما ذاكرتي كويس ولا ركّزتي .. قالت لا ياماما .. حتى الأولى في فصلنا
نقصت 4 درجات والكل أحتج على الأسئلة ...
لكن المعلمة بنفسها قالت متقصدة أجيب قطعة خارجية صعبة وأسئلة غير عشان تتدربو وتتعلمو
يعني بالله دا وقته الله يسامحها بالأسلوب دا تكره
الطالبة في حب المادة وإحترامها ويادوووب تخلص الطالبة من مذاكرة الكتاب وهادا إذا أسعفها الوقت أحيانا .. طبعا كلام المعلمة زاد من غضب الطالبات في نفوسهن وزاد كره إبنتي للماده ...
قلت أتفاهمي مع المعلمة بينك وبينها وإنك محتاجه
لأعادة شرح تفهمك أكثر .. قالت هي كده اللي تفهم
تفهم واللي مافهمت ماهي مشكلتها ...
هديت عليها وتركز أكتر وتسأل أختها إذا استصعب عليها شئ " لإنها ماشاءالله عليها إجاباتها نموذجية "
في نفسي تضايقت من أسلوب المعلمة طيب ليه ... ؟
أنا أؤيد التغيير والتطوير للأسئلة بس مش تحوير وتعجيز للحل لا بد من مراعاة الفروق الفردية
وأسئلة مبهمة المعنى وغير مباشرة لا داعي لها ..
ليش فرد العضلات بذاك الوقت ! ؟
وممكن التدريب عليها في الإمتحانات اليومية الدورية وما تكون مفاجئة غير محببة
أختي المعلمة رفقاً بإختك وإبنتك الطالبة لتسمو وترقى في العلم بطريقة جاذبة وليس نافرة من المادة أو منك ِ وعذرا على الإطالة تقبلو تحياتي .




وهذا ردي عليها




سمورة ربي يسعدك ويحفظ بناتك تفرحي بهم اللهم امين**
المعلمات للاسف والله احياناً تفرد المعلمة عضلاتها على البنات او تجيب اسئلة غامضة
بمعنى اصح تعجيزية تقولي اسئلة الرئاسة
نسيت هذه المعلمة انها كانت في يوم من الايام طالبة وتشتكي من نفس هذا الاسلوب
والله احياناً تتقعد المعلمة لطالبة في الدرجات اذا صدر من هذه الطالبة اي موقف يزعل المعلمة لكن انا اسئلهم فين ضميركم النايم
**
نقطة لاحظتها يا سمورة وعجبتني منك انك اتكلمتي مع لول وتوت ربي يحفظهم بنفس الاسلوب ماقلتي هذه شاطرة اهش وابش في وجهها وهذه كسلت اعبس واكشر في وجهها
يمكن بعض الاحيان الامهات يعبسوا في وجوه اولادهم وبناتهم ويقاطعوهم اذا علامتهم نازلة او راسبين
اذكر موقف سمعته في مجلس امهات في المدرسة من ام طالبة من الطالبات
تقول جابت بنتي نتيجتها وكانت طيبة وبنتها الثانية جنبها
البنت الناجحة قالت لامها تحبيني قالت لها احبك انتي قلبي
والبنت الثانية قالت هيا في قلبك وانا فين اذا قلبك كله لبنتك طيب انا قالتلها امها انتي في الجزء الايسر في قلبي البنت قالت ياسلام انا في اليسار يعني على الهامش وسمعت بنتها الثالثة الكلام انتقدت امها طيب احنا فين اذا قلبك قسمتيه لاثنين
كان عندها اربعة بنات نقذت الموقف الام قبل ما يفتحوا لها باقي البنات الباب
قالت القلب فيه اربعة اجزاء او تجاويف مذاكره الام ماشاالله عليها انته الاربعة كل وحدة لها جزء في قلبي
قصتها عجبتني مرة البنت اكيد تتأثر لما الام تدلع وحدة عن الثانية
اشكرك ياسمورة فتحتي موضوع حلو








بكرة موضوع اخر ان شاالله
تحياتي للجميع