تزاحم الهم في صدري وضايقني = وجدد على قلبي المجهد هواجيسه
واحيا الجروح القديمه فيه واحرقني = اللي بها الفكر قد ضاعت مقاييسه
وانا السهر هدني بالحيل وارهقني = وليا غفى الطرف صحتني كوابيسه
لا ظلم الليل جاني ثم عانقني = واقضي الليل وانا من محابيسه
ياما سرا بي فبحر الويل واغرقني = واشعل على طرفي الساهر مقابيسه
دايم معاكس معي ما يوم وافقني = مسعاه ضدي ورغباته واحاسيسه
وان طال عمري ورب الكون وفقني = لنهيه واهدم مشاريعه وتأسيسه
راشد الجمعان ( المحيط )