رد: ! ॐख़ख़ღديوانية بالخزمرღॐख़ख़
قصيدة يوم السفر كلٌ يعزي كياني
ياقاف طاوعني بعذبات الاوزان
في وصف قامه كنها الخيزراني
الي رماني سهم لحظه بميزان
ساق الجوى والشوق جمره كواني
فيه الحوروالكيل يرجح بالارزان
ماله شبه بالحسن بين الغواني
يغار من طرفه بنات اهل لوزان
لولا جماله كان قلبي عصاني
اليوم عن شوفت حلاياه عجزان
ضاعت سنين العمربين ألأماني
حرام مابي غير شوفه ولي زان
والله مانسى بسمته لو سلاني
ياقاف من فرقته حلّني احزان
مكبول لوماصحبتك كنت جاني
الهم جزّ القلب والروح جزان
والزاد عقب افراقهم ماهناني
من والفك ياعُود من ليّن الزان
كنه في الجنه وغيره يعاني
الله يسقي ديارهم غيث وامزان
ماللسعاده عقبهم عهد ثاني
يوم السفر بالعقل مافاد دوزان
حتى الشجر لونه شحب في مكاني
تخنقني العبره وبالقلب خزان
يوم السفر كلٌ يعزي كياني
======================================
ألخــــــــــــــــــــــــــــــزمـــــــــــــــ ـــــــــري أبن منشــــــــــــــــــــار
ـــــــــــــــــــــــــــــــــــــ
|