يمشي بهونه تحت غيمه وهتان = بعيد عن حر السموم ولضاها
اتخيله وارقب خياله بالاعيان = باجمل صور متميزه في حلاها
العين عين الظبي والعود ريان = واوصافه اللي كامله في بهاها
تجذب مشاعر كل مغرم وولهان = وتروي عطش كبد قطعها ضماها
ظبيه خلقها الله في روض بستان = ما تشرب الا من صفا عذب ماها
في روضها ما لامستها يد انسان= الله من اسباب المنايا وقاها
تقطف من زهور الغلا فوق الافنان = وتجفل من انسام الهوى لا غشاها
فيها لعشاق المزايين برهان = وتلقى بها روح المعنا هواها
راشد الجمعان ( المحيط )