[سالم الشامسي]

بسم الله الرحمن الرحيم

اخواني اعضاء منتديات زهران ... لقد انجبت قبيلة زهران رجالا كانو مضرب المثل ... و من هؤلاء الشيخ حمدان بن خلفان الشامسي .....



كنت قد و عدتكم في موضوع سابق بان اروي لكم قصة مقتله
مقدمة : ذكرت لكم ان الشيخ حمدان كان احد المشاركين في حرب البريمي و بعد رحيل الشيوخ الى المملكة ظل الشيخ حمدان و لم يغادر الى المملكة و كانت حكومة السلطان سعيد بن تيمور تريد ان تسجن الشيخ حمدان

كيف قبض على الشيخ حمدان ؟؟

كنت في احد المرات جالس عند الشخ صقر بن عبد الله الشامسي وهو ابن اخ الشيخ حمدان بن خلفان فقلت له : عمي كيف انقتل الشيخ حمدان ؟

فقال لي : كان عمي حمدان متعشي عند والي البريمي و كان الواي ما يدري ان الشيخ حمدان حاضر العشا و بعد ما خلص العشا كان الشيخ يبا يطلع فقال بعض الجالسين للوالي: ما عرفت من هالريال ... فقال الوالي من ؟ .... فقالوا له : هذا حمدان بن خلفان اللي تريدون تمسكونه

فامر الوالي انهم يمسكون الشيخ ومسكو الشخ عند الباب ..... و جلسنا ننتظر عمي و ما وصل و رحت للعسكر و قلتلهم : وين عمي ؟

فقالوا : باجر بيظهر
و بالباجر نقلوه لحصن الحله و رحت اريد اكلم الوالي ويوم وصلت عنده قالو : له هذا ولد اخو حمدان و عنده اسلحة في مطرح فامر الوالي انهم يحبسوني و لكنهم ظهروني ..... و نقلو الشيخ لمسقط و انا رحت واسط (( منطقة الشيخ صقر )) و كلمت عمي و ابوي و لكنهم ما قدرو يسوون شي .... فخرجت لصحار عشان اسير مسقط و يوم وصلت صحار ركبت سيارة ورحت مسقط .... و كلمت شخص هناك لكن ما قدر يسوي شي .... وسرت بعدها عشان ازور عمي حمدان ويوم دخلت عليه لقيته ضعف وايد .... فقال عمي للحارس خلني اتكلم مع ولد اخوي ... فقال الحارس اذا تبا اتكلمه كلمه هنيه ... فقال عمي الكلام مب الحين الكلام راح وقته ....
و بعد الزيارة رحت لواسط و يوم وصلت لقيت الدار كابية (( اي ساكنه )) و محد طلع يستقبلني مب على عادتهم ويوم دخلت عليهم (( اي الشوامس )) قالوا لي بنت عمك ماتت (( لكي يخففو الصدمة عليه )) فقلت لهم مب بنت عمي اللي ماتت عمي اللي مات (( والشيخ ما كان يدري لانه كان فالطريق )) ... انتهى كلام الشيخ صقر .... و الله يا اخوان انه يوم وصل هالكلمه بكى لين رحمته و اتمنيت اني ما سالته .



ذكر لي الوالد رحمه الله ان الحكومة القت القبض قبل هذي المرة على الشيخ حمدان و لكنه هرب .