رد: مدونة اعضاء مجلس ال السني!!
ماهو بكفو الوقت حبك يمحيه
ياللي تخاف صروف الايام تمحاه
ارتاح.. مادام المواصل يقويه
انت انت.. وانا انا.. وقلبي هو اياه
حتى لو بتغيب ذكراك تكفيه
ياواحد تكفي عن الناس ذكراه
حبك على رملة خفوقي مواطيه
ورياح عذلني عنك ماتمسح خطاه
واللي يعذل القلب عن درب غاليه
الله بما يبلا المواليف يبلاه
اخفيه يابالفيت والحال يبديه
ادناة واحد ينظر الحال يقراه
مخفيه فيه ومعتني به وحاميه
من كل عين ودها تنزل حماه
قلب يحيك والهوى الذرب ماليه
كانك مكذبني ؟؟ بعينك تحلاه
شرط تشوفك فيه منت بحواليه
ويمكن تشوف ديار واماكن ارعاه
وبتشوف به تمثال والوقت هاريه
وبتشوف زرع ميت وواقفً ماه
وبتشوف به جرح فيه سكين راعيه
راح ونسى السكين والجرح ينخاه
وبتشوف حصن عج الاقدار سافيه
وبتشوف باقي بيت راعيه خلاه
لاتنزعج هذا خفوقي وباقيه
ولا تضايق من تصدع زواياه
قد زلزله فرقا وهزت عراويه
والله يستر والحظ عانه وعافاه
وكانه صلح لك واعجبك زيد وتبنيه
ابنه وجهز للمقابيل مبناه
ابغيك بس من المفارق تداريه
وازهل من يداري شعورك ويدراه
وحلل حرم فيه يا برك بلاويه
وحله وراع رضاي ورضاك ورضاه
وصلك يخيط الصدر والبعد يفريه
ويا بري حالي كان صديت برياه
ويلي على ادري حبنا ويش تاليه
وويلي على ادري وش ورى الغيب ويلاه
عشان اشوف اذا محبتك ترفيه
والله لا قفي عنك..... استغفر الله
'/
\
|