[محمد الساهر]

من قصائده المحاورة /

بدع الغويد :

ياسلامي ياهل قلت الرصاصه واشمعي
جنبخان فوق ذيك المحاجي واشمعك
جاره الله مايجيله خطاه ووشم عيله
لابدوا به روس الارياع ويجنب عنه

رد بن عزيز :

ياغويد انته بتدري وتعلم وش معي
واما ذا اليوم ماكني ادري وش معك
والغويد الله يعلم ويدري وش معي له
انت سر في الحق والخطا جنب عنه

،،،

بدع بن عزيز :


يالله ياللي حط وكن المطر والشي بلاش
انك تنفع واحد في نهار الشي بلي
ياسلامي للذي غمرهم على الفيد ناوي
لاوقف في ساعة الحرب والميس منه.

رد الغويد :

ياشباب اليوم لااحد يقول الشيب لاش
لان راعي الشيب سيدي وراعي الشيب لي
ولان رشده زايد مايعود في دناوي
وانت لاتنسى جوابه ولامن يسمنه


وبدأ بن مصلح في قافية جديده ويقصد بها الغويد وقال :

اما انا مقتول بين العرب ماحد درى
من سعد ومن الغويد
كل بدوي لانوى بالحضاره ودنا به
علم البدوي يعود تسده ديرته

ورد عليه بن سحبان وقال :

حيا الله عود يشيل الحمل ماحدرا
ينقل اخفافه وتقلي ما غوى ايد
بعد عشر سنين تشوفه ود نابه
وان هدر سمحان صوته يسد هديرته


فما كان من الغويد إلا ان يأتي بقصيدة لتجاري ابن مصلح وقال فيها :

لاتغدينا ابن مصلح تعشينا سعود
صادر والا ورود
من يطالع لاهل قلت عليه الصفر صاف
لابدوبه في نهر الشقى والصفر صايف
ام جاله في قلوب العشاير صف عنه

فرد عليه سعد بن عزيز وقال :

يالله يامعبود تنصر بيارق بن سعود
ولا بعظامي ورود
شفت راعي الجيب في سكته رصف رصاف
والنمر لا لقي سمحان بيرصف رصايف
لا لزم سمحان في كل مبداء صفعنه.