[العرنين]

[poem=font="Simplified Arabic,5,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
تقول البنت لي مدة وانا اشوفك في احلامي =تجيني لابس الابيض على صهوة فرس وردي
تجيني في وسط غابة وتنقذني من الامي =اشوفك مثل روبن هود ولكن روبني وحدي
وتاخذني على حصانك وادلدل فوقه اقدامي =وتعبر بي جسر مرعب وتاصل رعبتي حدي
ونجلس قرب هاك النهر تعلمني عن اعمامي =تعلمني انهم ضدك واهلك كلهم ضدي
وتحكي عن بطولاتك واناظر سيفك الدامي =وسهمك والجروح اللي بجسمك يابعد بعدي
يالله تعال ياروبن ترى تنتظرك ايامي =كذا مس كول اعطيتك ولا رديت يا وعدي
تعال وخذني من دنيا بها قلبي غلا ظامي =تعبت بغرفتي استنى ظنوني تجيب وتودي
وش اجاوبك يابنية ؟ وانا مفضوحة افلامي =حصاني اللي تحرينه ونيتٍ من سنة جدي
لو ادخل فيه حارتكم تصل قرقعته قدامي =ودخانه ورى كيلو ...ويطفى لحظة اهدي
وسيفي مفك ابوجلمبو هدية سمكري شامي =وذا الدم اللي تشوفين تريه البودي مصدي
واما حكاية المس كول فعذري دايما سامي =وهو بالمختصر اني رصيد الدوم ما عندي
يابنت الناس وش ترجين روحي تلحفي ونامي =وروبن كذبة احلامك عليك سنين بتعدي
وانا خليني في حصاني اقصد ددسني الظامي =لزيت او شحم او موية انا حده وهو حدي
امني النفس في بي ام تحقق حلم احلامي =وساعتها ابشري حصان اسود واصبغه وردي[/poem]