النظرة العاطفة
السلام عليكم ورحمة الله وبركاته.
قصيدة جديدة.
الـجـمـع جـمـع الـخـصـايـل والـطـبـاع
مـاهـوب جـمـع الـجـواهـر والـحـلـي
أسـايـر الـنـاس قـدر الـمـسـتـطـاع
ويـاوسـع صـدري عـلـى كـثـر إزعـلـي
أخـفـض جـنـاحـي مـن الـرحـمـة إنـصـيـاع
ودايــم مـع الـروس راسـي مـعــتـلــي
أعـيـش مـع نـفـسـي بـحـرب وصـراع
وحـربـهـا حـرب وآنـا أعـزلـي
حـتـى ولـو إن لـي قـلـب ٍ شـجـاع
الـنـظـرة الـعـاطـفـة تـغـلـب عـلـي
والـى ضـربـت بـعـصـاتـي كـل قـاع
الـوالـي الـلـه ولاغـيـره ولـــي
أدور مــع دورة الـدنـيــا بـســاع
وأعـبـر لـي بـحـور وأمـشـي فـالـخـلـي
ووجـهـات الأنـظـار لـو صـارت وسـاع
عـيـنـي وسـيـعـة ورمـشـي أكـحـلـي
نـور الـقـمـر خـذت مـن طـيـفـه شـعـاع
لـو ضـلـمـة الـلـيـل عـيّـت تـنـّجـلـي
وإن شـفـت مـظـلـوم مـن دنـيـا الـمـتـاع
أشـيـل هـمّـه وأقـول الـهـم لــي
حـفـرت قـبـري وأنـا كـلـي إقـتـنـاع
ودمـوع عـيـنـي تـغـيـض وتـمـتـلـي
مـاقـدر عـلـى الـنـاس أتـّلـبـس قـنــاع
طـيّـب لـو يـفـوح قـلـبـي ويـغــلــي
لـو إن قـلـبـي مـن قـلـوب الـسـبــاع
لـمـحـتـنـي والـسـيـوف تـصـلـصـلـي
.
ـــــــــــــــــــــــــــــــــــــ
|