مالاحظتو شي على اكياس الدجاج المبرد؟
السلام عليكم ورحمة الله وبركاته
مرحبا بالجميع
::مقدمه بسيطه ::
حينما ارتفعت اسعار الأغنام قبل سنوات ووصلت 1200 ريال
و 1500 ريال
اتجه الكثير من الناس للدجاج  والاسماك ولسان حالهم يقول
بلاش ضيافه وامراض نقرس وكلسترول وبدلا من دفع 1200 ريال قيمه ذبيحه
نشتري بـ 200 ريال كرتونين دجاج ونمشي الحال؟
اسعار الدجاج طبعا ارتفع واخذ نصيبه من جيب المواطن المسكين
لكن ليس هذا محور الحديث
ماتلاحظون اخواني من كم شهر ان الكثير من شركات الدجاج المبرد بدات تخفي التسعيره على الدجاج
عكس سابقا
انا بصراحه من فترة ماصرت اشوف اي تسعيره على الدجاج المبرد من الشركات المعروفه
بمعنى ترك الحبل على الغارب في التلاعب في الاسعار من قبل العماله
فالبائع ممكن يزيد ريال ريالين نص ريال حسب مزاجه وظميرة
تخيلو قبل اسبوع اخذت اربع حبات دجاج مبرد حجم 1000 بسعر 14 ريال للحبة
هل يعقل؟؟
اللي يبي يتأكد يتفحص كيس الدجاج المبرد
لايوجد على الكثير منه تسعيرة كما في السابق
الغريب في الموضوع هذا لو اتجهت لسوق الخظار وبجانبه عشرات المحلات لبيع الدجاج
تجدها تتنافس في الاسعار وستلاحظ انك وفرت ريال او ريالين لانها تبيع بسعر اقل
عكس باقي المحلات المنتشره في الاحياء وهي المعنيه بموضوعي
سؤالي لكم هل تعتقدون انها سياسه جديده من قبل المنتجون
لنشر سياسه الغلاء والغش والتلاعب ؟ اسوه بالاغنام؟
تحيتي
ـــــــــــــــــــــــــــــــــــــ
التعديل الأخير تم بواسطة Sparrow ; 23-12-2010 الساعة 09:08 PM.
|