[ابو مرام]

بسم الله الرحمن الرحيم

احد اخواني سار عليه حادث مروري واصيب بشلل نصفي وكتبت:

ياالله يربي طلبتك واللوازم ثقال على واما عليك انشـــهد انها خفاف
مطالبن مابها فزعه ورميه عقال الاخشوع اوتذلل وانكساره ضعاف
اطلبك ياذا الشموخ المعتلي والجلال يامحيي الارض من عقب الضما والجفاف
ياباسط الارض وموتد لها بالجبال والشمس تضهر عليها كان ماجا انخساف
اطلبك تشفي مريض مابقى فيه حال جاء في مسيره حياته وقفه وانعطاف
ابوه وامه بنو عليه كل الامال والله يحكم وحكمه بين نون وكاف
فديت ظافر بحالي والولد والحلال ويسير توي وكنه ما حصل له خلاف