[ابن روزه]

راكب اللي مايضــاهـــا بالديـــار
منوة اللــي نـــاويٍ بعد المسيـر

شـــاص مابلونـه بياض ولا سمـار
أشهبٍ لـونــــه وتصميمـه مثيـــر

كـــنِّ تمثالــه قــدم حبَّـَّّّّّـة عيـــــار
وكنِّ صـــدامـه ورا مجرا غديـر

والخطوط اللي من يمين ويسار
كنَّهــــا تنبيـك عن علـمٍ خطيـر

والمرايـــه فـــوق واجــهته تــدار
كنَّهـــا فوق الجبل طيــرٍ يطيـــر

وامبيراتــه بإرتفــاع أو بإنحــدار
كــل واحـد للـي يخصِّـه يشيـــر

كنَّهــــا امبيرات توقــيت إنفجـار
والله إنَّ اللــــي تــــفننبـه خبيـر

صــمَّم لتحــويــــل تانكيِّــــه زرار
عبقــري ماشـف بالـه فعل خيـر

وحـط بالتمثــال تويـوتا الشعـــار
وموقـعٍ بالحوض لإستبنه سبيـر

محكور مـن الإطـار إلى الإطــار
مايعيبــه لــو وزن حبَّــــة شعيــــر

ومـن قفـاه ليا شنبــه ومن اليسـار
لليميـــن مكمَّـلٍ مالــــه نظيـــــر

لاوقــف بيـــن المواتــر بإختصار
ماهو إلاَّ بينهــن مثـل الأميــــــر