[البرفسور الحنون]

--------------------------------------------------------------------------------

السلام عليكم ورحمة الله وبركاته ..

من الي منا ما حصل له مواقف سواء محرجه او مضحكة أو تشرح البال << ححححح

المهم ودي ان جميع من يمر على هالموضوع ان يترك لنا بصمه بوضعه موقف محرج أو مضحك حصل له ويشاركنا الابتسامه ..

المهم انا بقول لكم موقف صارلي هو كان محرج شوي بالنسبه لي
بس كل ماتذكره اضحك كان على اختبار نهائي وانا فيني عاده ماأدخل الأختبار ألا بعد ما ييأسون مني المراقبين

ويقولون خلاص بنقفل القاعه وانا مطنش اذاكر حتى لو اني صام الماده صم مستحيل ادخل بدري

المهم كان الأختبار في قاعة المناقشات الماجسير والدكتوراه طبعا أكيد تعرفونها المهم القاعه جدا حلوه ومفروشه

بعد زل يعني مو زي القاعات الاخرى الزبده الطلاب دخلوا وانا عند الباب اذاكر ووزعوا الاسئله ومابقى احد غيري برى

ويطلع المراقب يقول عفوا ترى بنقفل الباب الامتحان له ربع ساعه ويوم قال لي ربع ساعه جن جنوني الماده دسمه

والوقت قليل من الربكه حطيت نعالي عند الباب ودخلت علىبالي داخل مجلس الوالد ولايوم دخلت احس بروده ياربي

واطالع ولا نعالي عند الباب واخرج قال المراقب وين مارديت بركه ان ماأحد انتبه وانا خارج البس نعولي القى واحد من

الربع عند الباب يوم شافني البس نعولي قال ممنوع الدخول بالنعال انا ضحكت وقلت اذا شرقي عادي بس غيره لازم

تحطه وخرج المراقب قال تدخلون ولاكيف ودخلنا الاختبار وبعد الامتحان قعدوا زملائي يضحكون على الموقف

وكان موقف شوي محرج ومضحك بعد ..

وسلامتكم يالله يالله يالله فضفضوا عن ما بداخلكم من مواقف

وسلونا شوي

ودنا ننبسط وتنشرح الصدوووور ..