[الداحشي]

البدع=
الله ياعلم قد جاني ذي اليوم والفا به رسول=
قال فالعلم لاعد ترتجي صاحبك قد خان عهدك=
لاتنشد عن احواله ولاعاد تلقي له سلام=
قلت وش غيره وانا الذي كنت له نصر(ن) وعون=
مااخبر انه بدى مني تخله وجفوات(ن) وكدرا=
ماخبرت الكلام الشين قلته بوجهه واظهره=
لكن ماقول غير الله يالله تقضي عالوشاه=
اللي صدقت ماقالوه فيني وتدري من هو آنا=
غيبوا عقلك اومن كان قربك تراه ابعد بعيد=
قبل ما امرك تتوكد من اللي حصل فالدين امرك=
حكم العقل واعرف هرجت اللي هرج وش يقصد (ا) بها=
قصده يبعدك ع اللي حط لك وسط قلبه منزله=
بالله يامن لفيتاني بعلم الجفا عود وقله=
صاحبك عالوفا والود لاتحسب انه بايعك=

الرد=

اشرق النور غاب الجهل لما بعث خاتم رسول=
يارسول الله ياخير البشر ما حلا ازمانك وعهدك=
ياصلاتي عليك وياسلامي عليك الفي سلام=
في شفاعتك يالحاشر وكم يطمعون الطامعون=
كيف يشتمك عاصي غايب العقل والعالم بك ادرا=
دينك اللي حماه الله عن كل حاقد واظهره=
دينك اللي ينورنا ويكشف عدا قيصر وشاه=
دين شرع الاله الحق ما هو بدين(ن) من هوانا=
دين جانا بقوه دين ما غيب افراح(ن) وعيد=
نعتذر يارسول الله عما حصل فالدينمرك=
ناس ما عندهم مبدا ودايم نشاهد نقص ادبها=
والذي سبك الابقار زادت عليهم منزله=
والله انا شعوب الكثره مانشتكي نقص(ن) وقله=
نشهد الله في نصرتك ياسِيدنا ونبايعك=