[الهنوووف]

الحلايين الجايات سبق وقدمت مشابه لهم بمواضيعي اللي قبل ،،
لكن هذي طرق مختلفه وبصراحه ألذ من اللي قبل


Mini Apple Pie **</B>

عجينتها تفرق عن الباي العاديه ، تنفش مره لدرجة ان اللي ياكلها يحسبها كيك محشي مو باي
وطمعها يشبه البيتي فور شوي

** المقــاديــر ..
** العجينــهـ :
كوب ونصف دقيق منخول
1 م ص B.P
بيضه
اصبع زبده لين
نصف كوب سكر بودره
4 حبات جبن مثلثات
ذرة ملح

** الحشــوة ..
2 تفاح مقشر ومبشور
1 م ك قرفه
2 م ك سكر
عصرة ليمونه

** التغطيــة ..
بيضه
4 حبات جبن مثلثات
نصف علبة قشطه
فنجال قهوه سكر
فانيليا

** الطريقــهـ ..
ندهن قوالب الميني كب كيك بالزيت ..
نعجن مقادير العجينه كلها سوا ونلبس فيها القوالب ،،
نخلط مقادير الحشوة على النار حتى يذوب التفاح وتنشف شوي المويه اللي فيه ونحط شوي منه بكل قالب ..
نخلط مقادير التغطيه بالخلاط ونصب شوي فوق التفاح بس لاتكثرين لانها بتنفش بالفرن ،،



دخليها الفرن على درجة حرارة 350 حتى تتحمر من تحت - ماتاخذ وقت طويل -
وحمريها من فوق وطلعيها واتركيها تبرد ،،
بعد كذا زينيها من فوق باللي تحبين من انواع الباي فيلينق او المربيات ..
اطعم شي معاها البلوبيري بس انا ماكان عندي فحطيت مربى فراوله وكان مره لذيذ برضه
وبالعااااااااافيه












Mini Cheesecake **</B>

شي اتعب وانا اقول يواااااااجه وراااااااااقي بالتقديم
كل نكهه لها طعم مختلف واروع من الثاني

** المقــاديــر ..
علبة بسكوت شاي مطحون
اصبع زبده << استغني عنها واحط بيالة شاي ثلاث ارباعها زيت والباقي مويه
2 م ك قشطه

** الطبقـة البيضـاء ..
6 حبات جبن كيري
علبة قشطة
علبة حليب نستله كبيره
2 ظرفين دريم ويب

** التغـطيـهـ ..
علبة قشطة
ظرف دريم ويب
علبة حليب بوني او ابو قوس
علبتين جيلي اي نوع تحبين
1 ك ماء مغلي
1 ك ماء بارد

** الطريقــهـ ..
اعجني مقادير الطبقه الاولى ولبسي فيها الاوراق الصغيره ..
- الافضل انك تشتغلين عليهم وهم بصينية الميني كب كيك علشان يتماسك مضبوط -



اخلطي مقادير الطبقة الثانيه بالخلاط وصبي عالبسكوت بس لاتملينها ودخليها الثلاجه او الفريزر اذا كنتي مستعجله ..



نجي للطبقه الثالثه ،،
انا استخدمت علبة جيلي ليمون وعلبة جيلي كرز
اخلطي اول شي الدريم ويب والحليب والقشطه سوا بعدين اقسميهم على صحنين ،
ذوبي كل ظرف جيلي بنصف كوب مويه مغليه بعدين اضيفي عليه نصف كوب ماء بارد ..
واضيفيه على نصف خليط الدريم ويب واخلطيهم زين ،،
انا اخذت شوي من خليط جيلي الليمون وحطيت عليه ملون طعام اخضر ..
وصبي شوي من الخليط على التشيز كيك ورجعيهم الثلاجه يبردون حتى وقت التقديم .
وزينيهم باللي تبغين ،،
اكيد الافضل تزينينهم بقطع صغيره من الفواكه بس انا كنت مستعجله فجبت سكر
وحطيت عليه الوان طعام ورشيته فوق التشيز كيك ،
بس عيبه جلس شوي شكله يجنن بعدين ذاب ولا كأني مسويه شي
وبالعااااااااااااافيه








** ملاحظااااااااااااااااات هااااااااااااااااااااامه ::
~ مقدار الطبقة الثانيه والثالثه مررره كثير ، انا سويت نصف المقدار وصلح لي 40 حبة ميني تشيز كيك ..
~ اذا كنتي بتاخذينه برا البيت افضل انه تضيفين شوي جيلاتين مذوب بمويه حاره للطبقة الثانيه علشان تتماسك زين وماتسيح مع الطلعه والطريق
~ اول مره سويته اشتغلت نصف المقدار والاوراق بصينية الميني كب كيك والنصف الثاني بصينيه عاديه
وطلع فرق بالشكل ، اللي بصينية الكب كيك طلع مرتب مررره واللي بصينيه كبر شوي حجم الورق وبعضها ساح من الطبقه اللي فوق ..