امر على الديار ديار ليلى***اقبل ذا الجدار وذا الجدارا
وماحب الديار شغفن قلبي ** ولكن حب من سكن الديارا
......
تعمدت وضع الالف لتنوب عن الفتحه لكي تقراء الابيات بشكل صحيح
.
للتقبيل ... للتقبيل ... للتقبيل
في كل شارع
في كل سوق
في خرم ابره
هذي الكلمه حيرتني من وين جات
وش السبب اللي يخلي واحد يكتب المحل للتقبيل
واحد للتقبيل لعدم التفرغ و آخر للتقبيل لظروف السفر
وثالث للتقبيل لفظ الشراكه
وعاشر للتقبيل لتغيير النشاط
وميه وعشرين لعدم وجود نشاط اصلا
هذا مشخص بس
و10089 لوجود خلاف على المحل بين الورثه
( الرجال توه فطس وهم يتخالفون على المحل)
طيب
فيه احد له نفس يقبل محل
يعني لو المحل كان نشاطه احذيه ( اكرمكم الله ) احد بيقبله
من وين جات كلمة للتقبيل ابغى افهم
هلى تعني خذه واعطني بدل منه مقابل ............. احس انها ما تجي
.
.
المسكين قيس لو عاش في زمننا كان للحين يدور
يبوس المحلات ، ولا يمديه يصل لديار ليلى الا وهو مل من التقبيل
.
اللي فاهم يعلمني
.
دمتم بالف خير