[عبدالمجيد العدواني]

بن مبروك

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يــا ربــي الـمـوت حــق وموتـنـا تعلـمـه=واعمارنا فـي يـدك وانـت الرحيـم الغفـور
اللطـف بنـا لا سكـنـا قـبـورك المظلـمـه=يــا رب وبرحمـتـك وســع عليـنـا القـبـور
لا مات الانسان مـات وجـف معـه اقلمـه=الا مــن أرث عـمـل يـرجـي وراه الاجــور
هذا ابن مبروك جـاك بنفسـه المسلمـه=من عقب ما صام واستغفر بخير الشهور
عبدك صلاته تسامت في صفاتـه سمـه=كـان الحليـم الرحيـم وكـان عبـد ٍ شكـور
كـم ليـل مــا نـامـه الا والكـتـاب اختـمـه=ترتيـل صـوتـه يــردده الشـجـر والطـيـور
سجـادتـه تـذكـره وتـحـن لــه واقـدمــه=وسبحته حتـى خرزهـا حـن يبغـى يـدور
وسواكـه يحـن لاسنانـه وريــح انسـمـه=اللـي تعطـر مـن الايـمـان مـثـل البـخـور
تكبيـرتـه والشـهـاده مــا تـفـارق فـمــه=يامـر بالاحسـان مـا يَكسـل لدينـه غيـور
رضـاه نقـراه فـي عينـه وفـي مبسـمـه=ووجهـه كسـاه الوقـار يشـع بالديـن نـور
للطيـب كـان الـوسـام وبيـرقـه واعلـمـه=ويختّم الشـور لا مـن صـار للشـور شـور
الضيـف لا جـاه مـا يبخـل معـه يحشمـه=كم دار في مجلسه فنجال بين الحظـور
لا ضـاق فيـه الزمـن يبـطـي ولا يثلـمـه=صليب راسه نحت بالصبـر صـم الصخـور
لا ثـار للجيـش جيـش ٍ يـوقـف بمقـدمـه=ما هابه الجمع فـي وجـه الاعـادي يثـور
ما خاب من كان بن مبـروك هـو محزمـه=يبشـر بسعـده ولـو مالـت عليـه العصـور
كـم واحــد جــاه وانـهـا عـازتـه واخـدمـه=من طيب خاطر ولا قد قال وش فالصدور
واليـوم يـا رب جـاك بنفـس مستسلـمـه=من عقب ما عاش مية عـام صبـر وثبـور
يـا ربـي اقبـلـه واغـفـر زلـتـه واعصـمـه=عن نارك اللي جزا لاهـل الكفـر والفجـور
وارحمـه يـا رب واجعـل جنتـك مقسـمـه=وبدلـه خيـر مـن احبـابـه بـزوجـات حــور
يـا رب وارفعـه باعـلـى منـزلـه واكـرمـه=واجمع بنا معه يـوم البعـث يـوم النشـور[/poem]

عبدالمجيد العدواني

..
..
..