رد: من قصايد الشاعر/ علي القحطاني
===============================================
ألف أولـف مـن معانـي عجييبـه
بيتٍ بنيتـه شاعـره معتنـي بـه
من قال فيه المخطيـه والمصيبـه
انا اشهد ان رضا المخاليق كايـد
والباء بدايـة قصـةٍ لـي طويـلـه
تشبه روايـة الـف ليلـه وليلـه
مع الغصي راعي العيون الكحيله
اللي عليه الـروح شبـت وقايـد
والتاء تولع خاطـري فـي حبيبـي
ليته من الدنيا العريضـه نصيبـي
حتى الجروح اللي بقلبي تطيبـي
هو منوتي مـن لابسـات القلايـد
والثاء ثلاث اسنين في حـب غالـي
عجـزت اعـد ايامهـا والليالـي
نتيجـة المشـوار خالـي بخالـي
مامـن وراه الا التعـب والنقايـد
والجيم جــل الله خـالـق عـبــاد
صور لطيف الروح واشهد شهـاد
انـه عـطـاه الله جمـالاًزيـاده
زايد على غيره من النـاس زايـد
والحاء حلمـت البـارح فـي منامـي
انه سعد حضي بزيـن القوامـي
واروى غليل محب عطشان ضامي
لاشك حلـم الليـل مافيـه فايـد
والخاء خيالـه ويـن مارحـت شفتـه
من وين مالاقيت وجهـي نظرتـه
باح العزاء والصبرانـا ماقدرتـه
لاشك هـذا اللـي بـه الله رايـد
والدال درب الحـب انـا مـا بغيتـه
وحسبي على اللي حدني لين جيته
والغيـب والله ياحمـد لوقريـتـه
ماصاد قلبـي بالمخاليـق صايـد
والذال ذللنـي ولـي قلـب قـاسـي
غصباً عليّ للحب نزلـت راسـي
همي غدا مثل الجبـال الرواسـي
وانباح سـدي بيـن كـل البدايـد
والراء رموشه صوبت قلـب شاعـر
حتى غدى حالي مثل منت خابـر
اهل دمعي واقضي الليـل ساهـر
هـذي محاصيلـه وهـذي الفوايـد
والزاء زرع له ياحمد فـي ضميـري
محبـةٍ ماحـط غيـره خشيـري
لاشاقنـي غيره ولاحـب غيـري
واليوم مسكانـه مـع اولاد زايـد
والسين سافر نـور عينـي غصيبـه
مصيبـةً ياكبرهـا مـن مصيبـه
خذاه ذاك اللـي تـردى نصيبـه
ماعاد ظني ناعس الطـرف عايـد
والشين شـدوا يـوم واحـد محـرم
وقلت رجع لي خبـر لـو تكـرم
طابع رسالـه يالغضـي لوتغـرم
وشرح لنا عن كل قاصـر وزايـد
والصاد صافحـنـي ودمعه يهـلـي
يقول مادري ياعلي ويـن اولـي
عـزي لمثلـي لامشـى مايدلـي
لاشك هـذا اللـي بـه الله رايـد
والضاد ضميتـه ونفسـي تفـوحـي
وقولت مودع يابعد روح روحـي
بادلته الزفرات والنـاس توحـي
معـاد همينـا كــلام النقـايـد
والطاء طوانـي فـي غيابـه هيامـي
وحق من فضل ليالـي الصيامـي
اني لو اعرف وين زين القوامـي
لاجيه لـو دونـه سرايـا وقايـد
والظاء ظهرلـي واحـدمـن عربـنـا
قراء جميع اسرارنا اللـي كتبنـا
يقول لاجـا عقـب بكـره ركبنـا
على الجموس معكفـات الحدايـد
والعين عنـده علـم ثابـت وكــادي
علمٍ لفى بـه ثـم ريـح فـؤادي
يقول انا عـارف بهـاك البـلادي
ومطراشنـا لازم لنـا فيـه فايـد
والغين غامـرنـا وقلـنـا مشـيـنـا
وعيبٍ على اللي يخلف الراي فينا
واللـي مقـدر لازم انـه يجينـا
وحنا هل العـادات يـوم الشدايـد
والفاء فتى الجـود اعتنـى بالمهمـه
ريح ضميري عقب مـازاد همـه
وفى بوعده واعتنـى بـه وتمـه
حتى غـدا قلبـي مـن الهـم بايـد
والقاف قـل المعـرفـه ياجمـاعـه
تضعف عزوم اللي قويـاً ذراعـه
لوكان قـرم ويدعـي بالشجاعـه
تحـده الدنيـا علـى كـل رايـد
والكاف كـان الحـل ساعـة وصلنـا
شفت الحبيب اللي فـؤادي تمنـى
ستين يـوم اللـي معاهـم سكنا
شفت الهنا عقب العنـى والنكايـد
واللام لـولا هاالظـروف الصعيبـه
والوقـت مايسمـح لنـا بالمغيـبـه
لاعيش عنده في البـلاد الغريبـه
واصبـر لـحر بلادهـم والبـرايـد
والميم مسكيـن المحـب المـفـارق
اللي ببحر الشوق والبـحر غـارق
يسكن جنوب وصاحبه بالمشـارق
وينوح نوح اللـي تهـز الجرايـد
والنون نـوم العيـن يحـرم علـيـه
من يوم غابـت عنـي الغشمريـه
يامـن يساعدنـي بحـل القضيـه
انــا بلايه ماسكـيـن الـعـوايـد
والواو ودي كـل لحظـه وساعـه
القى الدواء اللي فيه ليـه مناعـه
لاشك راعي الحب مالـه شفاعـه
يقطعك ياحـظ التعـب والنكايـد
والهاء هـدم حيلـي وسهـران ليلـي
وليـا بـدا للعيـن نجـم سهيلـي
هلت دموع الشوق سيـل يسيلـي
مالي جدى ياكود نظـم القصايـد
والياء يصلني كـل سمـاع قولـي
على النبي ياللي تحب الرسولـي
الياذكرتـه كـل همـي يزولـي
شفيعنـا فـي يـوم كلـه شدايـد
================================================
|