[غرم الله المرشد]

[align=center]..........
الصيد هوايه … وهواية الصيد تعتبر من اكثر الهوايات امتاع وفرفشه بالرغم من التعب والمطارد تحت اشعة الشمس اللاهبه ( قال لكم مقدمه الحين )
======
وطبعا ادوات الصيد تختلف من شخص لآخر يعني بعضهم تلقاه على قد حاله مضبط له هاك النباطه ودابلن مغاطها اقوى لها ومشرطنها بكم لفة شطرطون الين انتفخت كنها بعض البزارين ايام الشتا ( من زين التشبيه ) وتلقاه طردي في حوشهم والا شجر حارتهم وبعضهم متطور شوي تلقا معه ساكتون وناسفن ماصورتها على كتفه تقول كوماندوز والفشق المذروب حاطه في اثمه لدرجة انك تشوف خده الايمن منتفخ من الرصاص يخوي وشو له حاطين العلبه .. عاد هالوقت انقرضن هالاسلحه وطاحوا الصيادين في الشوزن والنص ( والريال ) واذنك ما تسمع الا هالطلق
<== حامل عاد اذا صاروا الصيادين مجتمعين في مكان واحد فيه نخيل وأثل فانت تبي تسمع كل شوي طلقة مع اني متاكد ان نصف هالطلق عشوائي واي كلام بس الدعوى مغاير يعني اسمعوني تراني رميت على طير وهو أصلا ما درا انه رامي السطل حق الخراف اللي معلق في النخله عاد اللي حوله يبون يغارون من الصوت وتلقاهم دايركت يردون عليه برميه من جهتهم يعني كلنا في الهوا سوا مهوب انت بلحالك اللي لاقي طيور .. والضحك صز ان كل واحد يصدق الثاني ويروح للجهه اللي جا منها الصوت يمكن يكون فيه نزل .. واكثر الناس اللي يتضررون من موسم الطيور هم حقين المزارع لأن الوقت يوافق موسم حصاد التمر <== صار عشب مهوب تمر لدرجة ان واحد من هاللي يخرفون في احد النخيل جاك مسلفط من الروعه يوم وشّت من جنبه رصاصة بس اشوى فكه الله كانت النخله قصيره والا كان قد جبصوه كله . واذكر مره من المرات واحدن توه طافر بالصيد ورايح بكيسه معه الرجال ناوي يعبيها بما لذ وطاب ويوم ما صاد شي استحى يدور ويديه فاضيه قدام اللي يصيدون حوله وكل شوي موافينه عاد خوينا ذهين راح وجمع له كم ( كربة) من هالنخل وشوي خشاش من الارض وحطه بالكيسه ومن لمح الكيسه تدودل في يده قال له ما شاء الله عليك يخوي لنا ساعه ما لقينا ربع اللي معك وتلقاه جايز له الوضع وقاعد يغني ( الصيد الحئيئي بيعيش يا حبيبي هوا دا ايوه دا الصيد الحئيئ) ..
وين صيد حقيقي معه وكيستك كلها قعسي وخنافس J
ولو دققنا في بعض الطيور والحيوانات اللي يطادونها لقيناها ما تسوى تعبها فمثلا الغرنوق شكله مسكّت من بعيد ونصبته تغري واذا لزخته ونتفته لقيته كله عصاقيل وسيقانه تنفع عودان خلال واذا ذقنا لحم الارانب البريه لقيناه قاسي لأن حياتهن تعتمد على الطردي والحركه
وعشان كذا نلقى عضلاتهن شادات <== مهيب عاقله سلفستره وطبعا كل هذا مايهم عند بعضهم لأن الغايه كلها تكمن في لذة الصيد التي تنتاب صاحبها في كل مره يحزم ثويبه وينسف بندقه وفي كل مره ينتف ريش الضحيه ويضبط علمانه على احد التمرات المنصفه التي يهم العامل بالتقاطها
<== شبك غذاية كوكتيل عقب هالفلسفه
=========
ومدام موسم الصيد قرّب ومدام عشاق الصيد يقدّرون هالوقت ويحترونه فانا حبيت اهيضهم بكم ;كلمةتحرك مشاعرهم وتخليهم يولمون عدتهم واشغالهم[/align]