ياللي تخادعني وانا عيني تشوف = اجرمت في حق الصديق لصديقه
طاح القناع وكل شي صار مكشوف = وقدام عيني بان اصل الحقيقه
تشكي على ظروف وتعيش بظروف = لك في خداع اهل النوايا طريقه
خيبت ضني ما بقي فيك معروف = ولا انت الرفيق اللي يداري رفيقه
ياكم اقدم لك وفا وابسط كفوف = واعاملك باجمل مشاعر رقيقه
وامشي معك وانا بالأخطار محفوف = ما نتا معي ماشي بخطوه وثيقه
اليوم مالي فيك شف ومكلوف = ولا اعطيك من عمر الزمن لو دقيقه
راشد الجمعان ( المحيط )