زرت الغدير وهل دمعي ذرايف
وتجددت في القلب لحظات ذكراه
يوم الضبا من فوق جاله ولايف
ياحلو منظرهن على الجال حلواه
نظراتهن مثل السيوف الرهايف
وتشوفها عين المعنى وتقراه
وتهزقلبي بالضلوع العطايف
واعيش في لجة عذاب المعاناه
اتخيله واكثر عليه الحسايف
وكثير مثلي يبكي ايام فرقاه
ايام عشناها بليا كلايف
واجمل ربيع العمر فيها قضيناه
واقفى وانا من حاضر اليوم خايف
ذاك الزمان اللي مضى وين بلقاه
راشد الجمعان