المشاركة الأصلية كتبت بواسطة نسيم السروات
الله على القصة الرائعة دخلتينا في زمن الطفولة وأيام التطليى . وعلى طاري التطلي أنا بحكي لك قصة حقيقية حصلت معي أنا ياذا المهرجة هههه في يوم من الأيام وأنا صغيرة كنت العب في الصافح مع بنات القرية وحصلت في الصافح تحت برندة جيراننا علبة تطلي مرمية وهي باقي مليانه دوبها فكت اشتروها الرجال والحريم ما عرفوا لها وحذفوا بها من فوق الرعش ووقعت في الصافح ولما شفتها لفتت انتباهي وقلت ياربييه وشنهو هذا الشي وقمت أقرأ وأتهجا الحروف اللي مكتوبه على العلبة ت ط ل ي تطلي والله مدري يعني أيش تطلي كنت أحسبه شئ يتعلق بالطليان الغنم وبغيت أرميها ولكني عودت أكمل القراءة وأتهجأ الطريقة ومكتوب ضعي موية على النار ثم كمية من السكر ثم أخلطي 5 ملاعق من المسحوق مع حليب بودرة ونشاء وريح الموز طبعا ما عندي نشاء مدري أصلا وش النشاء ولا ريح الموز وجيت بأخذ من حليب العائلة أبو ولد اللي كانوا أهلي يسمونه حليب الجاموس وكل ليلة يشربون براد عند السحور حليب بالزنجبيل المهم كنت مصرة أسوي هذا التطلي ونجربه ورحت لعمتي كانت ترضع بنتها الصغيرة من حليب مجفف معها أسمه كيكوز قلت الله يسعد ك ياعمة أعطيني كم ملعقة من حليب بنتك أبي أسوي هذا الشي وماقصرت غرفت لي يمكن ثلاث ملاعق وسويته بنفس الطريقة صحيح أنه بدون نشاء ولا ريح الموز والله لطلع طعمه لذيذ جدا ووزعته عمتي في صحون وكل 3 لهم صحن واحد والكل قام يلعق بشراهة حتى القدر لحسناه بإيدينا ونظفناه ههههههههه ومن بعدها أصبح التطلي من أهم وجبة على سفرة رمضان .